تعمیراتی صنعت کو مراعات کی فراہمی میری ترجیحات میں شامل ہے،گورنرسندھ

ویب ڈیسک

08th Dec, 2022. 11:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

تعمیراتی صنعت کو مراعات کی فراہمی میری ترجیحات میں شامل ہے،گورنرسندھ

گورنرسندھ کامران خان ٹیسوری نے کہا ہے کہ تعمیراتی صنعت کو مراعات کی فراہمی میری ترجیحات میں شامل ہے۔

تفصیلات کے مطابق واٹر فرنٹ تعمیراتی منصوبہ کی تقریب سے گورنرسندھ کامران خان ٹیسوری نے خطاب کرتے ہوئے کہا کہ حاجی محمد رفیق پردیسی کا سب سے معتبر حوالہ ان کے فلاحی کام ہیں۔

کامران خان ٹیسوری نے کہا کہ پاکستان طویل و عریض ساحل رکھنے والا خوش قسمت ملک ہے، صوبہ میں کراچی سے ٹھٹھہ کی ساحلی پٹی تفریح کا ذریعہ ہے۔

گورنرسندھ نے یہ بھی کہا کہ یہ ساحل سمندر ماہی گیر وں کا ذریعہ معاش بھی ہے، ساحلی علاقوں میں رہائشی منصوبہ خوبصورت ہوتا ہے۔

ان کا کہنا تھا کہ ایچ ایم آر گروپ اور حاجی رفیق پردیسی کا منصوبہ ایک اچھی کاوش ہے، امید ہے کہ منصوبہ میں جدید بنیادی سہولیات کی فراہمی یقینی بنائی جائے گی۔

گورنرسندھ کامران خان ٹیسوری کا مزید کہنا تھا کہ سرمایہ کاروں کو سہولیات کی فراہمی سے روزگار کے ان گنت مواقع فراہم کئے جاسکتے ہیں، تعمیراتی صنعت کو مراعات کی فراہمی میری ترجیحات میں شامل ہے۔