کراچی: پیپلز پارٹی کے جلسے کیلئے سیکڑوں درخت کاٹ دیے گئے

ویب ڈیسک

19th Dec, 2022. 04:14 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی: پیپلز پارٹی کے جلسے کیلئے سیکڑوں درخت کاٹ دیے گئے

کراچی میں گزشتہ روز ہونے والے پیپلز پارٹی کے جلسے کے لیے سیکڑوں درخت کاٹ دیے گئے۔

تفصیلات کے مطابق گزشتہ روز عائشہ منزل چورنگی پر ہونے والے پیپلز پارٹی کے جلسے کے لیےسیکڑوں نیم کے درخت کاٹ دیے گئے۔

عائشہ منزل پر پیپلز پارٹی کے جلسے کے لیے کاٹے گئے درخت اب بھی انصاف کے منتظر ہیں تاہم ضلع وسطی کے مشترکہ ایڈمنسٹریٹر اور ڈپٹی کمشنر طحہٰ سلیم نے اس حوالے سے موقف دینے سے گریز کیا ہے۔

ڈپٹی ڈائریکٹر پارک گلبرگ شریف خان کی نیم کے درخت کٹواتے ہوئے تصاویر بھی موجود ہیں جبکہ شریف خان کی نجی عملے کو ہدایت کی وائس میسج بھی موجود ہے۔

تصاویر میں دیکھا اور وائس میسج میں سنا جا سکتا ہے کہ ڈپٹی ڈائریکٹر پارک شریف خان نیم کے درخت کاٹنے کا بتا رہے ہیں۔

دو دن گزر گئے اب تک درخت کٹوانے والے افسران کے خلاف کارروائی نہ کی جاسکی۔

ذرائع کا کہنا ہے کہ درخت پیپلز پارٹی کےجلسے کی سیکیورٹی کےلیے ڈی ایم سی ضلع وسطی کی جانب سے کاٹے گئے ہیں۔

‎جلسے کے لیے مختص جگہ کے درمیان فٹ پاتھ لگے نیم کےدرختوں کو کاٹا گیا۔