وفاقی حکومت کی جانب سے مارکیٹس اور ریسٹورنٹس رات 8 بجے بند کرنے کا اعلان کیا گیا ہے۔

وفاقی کابینہ اراکین خواجہ آصف، مریم اورنگزیب اور قمر زمان کائرہ نے اسلام آباد میں نیوز کانفرنس کرتے ہوئے کہا کہ  شادی ہالز رات 10 بجے بند کردیے جائیں جبکہ مارکیٹس اور ریسٹورنٹس رات 8 بجے بندکیے جائیں گے۔

شادی ہال رات 10 بجے بند کردیے جائیں گے
مارکیٹس اور ریسٹورنٹس رات 8 بجے بند کردیے جائیں گے
اس عمل سے سالانہ 56 ارب روپے کی بچت ہوگی
وفاقی کابینہ اراکین کی نیوز کانفرنس #ShehbazGovernment pic.twitter.com/AVcxwxNghW

— BOL Network (@BOLNETWORK) December 20, 2022

وزیر دفاع خواجہ آصف نے کہا کہ سرکاری دفاتر میں 20 فیصد ورک فورس کی گھر سے کام کرنے کی تجویز دی گئی ہے جبکہ اس عمل سے سالانہ 56ارب روپے کی بچت ہوگی۔

ملک اس وقت سنگین معاشی مشکلات سے دوچار ہے

انہوں نے کہا کہ اقدامات سے فیول کی مد میں کافی بچت ہوگی، دو روز میں چاروں صوبوں کو مختلف امور پر آگاہ کریں گے۔

خواجہ آصف نے کہا کہ ہمارا 61 فیصد پانی زراعت کیلئے استعمال ہوتا ہے۔ صبح ہمارے ہاں 12ایک بجے مارکیٹیں کھلتی ہیں، ہم دن کی روشنی سے زیادہ سے زیادہ فائدہ نہیں اٹھاتے۔

یہ بھی پڑھیں: حکومت کا سرکاری دفاتر میں ہفتے کی چھٹی بحال نہ کرنے کا فیصلہ

انکا کہنا ہے کہ ملک اس وقت سنگین معاشی مشکلات سے دوچار ہے، ہمیں اپنے وسائل میں رہنا ہے تو ہمیں چادر دیکھ کر پاؤں پھیلانا ہوگا۔

وزیر دفاع نے کہا کہ پاکستان واحد ملک ہے جہاں رات گئے تک مارکیٹیں کھلی ہوتی ہیں، یہ لمبی کہانی ہے جو آنے والے دنوں میں معلوم ہوگی۔

کل اور پرسوں تمام صوبوں سے پالیسی پر بات کرینگے

انہوں نے کہا کہ کل اور پرسوں تمام صوبوں سے پالیسی پر بات کرینگے، وزیراعظم نے وزیرخارجہ بلاول بھٹو کے بیان کی توثیق کی ہے، وزیرخارجہ نے پوری قوم کے جذبات کی ترجمانی کی ہے۔

خواجہ آصف نے مزید کہا کہ توشہ خانہ کی فلم چلتی رہے گی اسکے کافی شولگیں گے، توشہ خانے میں بد نیتی کے دروازے ہمیشہ کیلئے بند کر دیے ہیں۔