وزیر اعلیٰ پنجاب اعتماد کا ووٹ لینے سے راہ فرار اختیار کر رہے ہیں، حمزہ شہباز

عارف ملک

22nd Dec, 2022. 10:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر اعلیٰ پنجاب اعتماد کا ووٹ لینے سے راہ فرار اختیار کر رہے ہیں، حمزہ شہباز

اپوزیشن لیڈر پنجاب حمزہ شہباز شریف نے کہا ہے کہ وزیر اعلیٰ پنجاب اعتماد کا ووٹ لینے سے راہ فرار اختیار کر رہے ہیں۔

تفصیلات کے مطابق پنجاب کے آئینی بحران پر اپوزیشن لیڈر پنجاب حمزہ شہباز شریف نے اہم بیان دیتے ہوئے کہا کہ عمران خان نے ایک بار پھر پاکستان کے سب سے بڑے صوبے کو آیئنی بحران میں دھکیل دیا ہے۔

اپوزیشن لیڈر پنجاب نے کہا کہ وزیر اعلیٰ پنجاب اعتماد کا ووٹ لینے سے راہ فرار اختیار کر گئے ہیں، اب یہ گورنر کی صوابدید ہے کہ وہ کب وزیر اعلیٰ کو ڈی نوٹیفائی کرتے ہیں۔

حمزہ شہباز شریف نے کہا کہ تحریک انصاف کا گورنر ہاؤس کے گھیراؤ کا اعلان قابل مذمت ہے، تحریک انصاف شرپسندی اور تصادم کی سیاست پر گامزن ہے۔

انہوں نے مزید کہا کہ دھونس دھمکی اور سینہ زوری کا آئینی اور قانونی حدود کے اندر جواب دیا جائے گا۔