وزیر خارجہ بلاول بھٹو زرداری نے اپنے بیرون ملک دوروں  سے متعلق سوال پر ردعمل  دیتے ہوئے کہا ہے کہ میں وزیر داخلہ نہیں بلکہ وزیر خارجہ ہوں۔

تفصیلات کے مطابق بیرون ملک دوروں کے معاملے پر وزیر خارجہ بلاول بھٹو زرداری نے تفصیلات سامنے رکھ دیں ہیں۔

“بطور وزیر خارجہ اپنے دوروں کے اخراجات خود اٹھاتا ہوں، عوام پر ان دوروں کا بوجھ نہیں ڈالتا اور میرے ان بیرون ممالک کے دوروں کا فائدہ مجھے نہیں بلکہ میرے ملک کی عوام کو ہورہا ہے۔”@BBhuttoZardari

Advertisement

5/n
pic.twitter.com/oR0ieU29mu

— PPP (@MediaCellPPP) December 22, 2022

پیش کی جانے والی تفصیلات کے مطابق انہوں نے بتایا ہے کہ وہ پاکستان کے واحد وزیر خارجہ ہیں جو اپنا ٹکٹ خریدتا ہے اور اپنے ہوٹل کا بل خود ادا کرتا ہے۔

انہوں نے بتایا کہ وہ اپنے بیرون ملک دوروں کے اخراجات کا بوجھ قومی خزانے پر نہیں ڈالتے اور اگر ایسا کرتے بھی تو بطور وزیر خارجہ یہ میرا استحقاق ہے۔

یہ بھی پڑھیں: وزیر خارجہ کے دورہ امریکہ کے شیڈول میں تبدیلی

انہوں نے مزید کہا کہ ان کے بیرون ملک دوروں کا فائدہ ان کی ذات کو نہیں بلکہ پاکستان کے عوام کو ہوا ہے اور بیرون ملک دوروں کی وجہ سے پاکستان کو معاشی فوائد حاصل ہوئے ہیں۔

وزیر خارجہ نے کہا کہ دیگر لوگ شاید چھٹی منانے بیرون ملک دوروں پر جاتے ہیں مگر ان کی محنت کی وجہ سے پاکستان فیٹف کی گرے لسٹ سے نکل گیا ہے۔

انہوں نے بتایا کہ پاکستان اس وقت جی 77 یعنی پوری دنیا کے ترقی پذیر ممالک کے اتحاد کی قیادت کررہا ہے اور ہم نے کوپ 27 میں تباہی سے ازالے کو ایجنڈے میں شامل کروایا اور یہ پاکستان سمیت تمام ترقی پذیر ممالک کی ایک بڑی کامیابی ہے۔

ان کا کہنا تھا کہ ہماری جی 77 اصلاحات کی دستاویز کو ملاحظہ کریں، دنیا کے تمام ترقی پذیر ممالک نے مطالبہ کیا ہے کہ عالمی فنانشل ادارے امیر ممالک کے بجائے غریب ممالک کو فائدہ دیں،۔

یہ بھی پڑھیں: وزیر خارجہ بلاول بھٹو زرداری کا امریکہ کا دورہ