عوامی مسلم لیگ کے سربراہ شیخ رشید نے کہا کہ قومی سلامتی کی میٹنگ میں الیکشن بھی ایجنڈے میں ہونا چاہیے۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں شیخ رشید نے کہا کہ 13 جماعتوں کا گلدستہ مرجھا گیا یہ ہیلی کاپڑ کی لینڈنگ میں پھنسے ہوئے ہیں۔ ریموٹ کنٹرول حکومت کے سیل ختم ہو گئے ہیں،  سارا ملک تھریٹ الرٹ میں آچکا ہے۔

13 جماعتوں کا گلدستہ مرجھاگیایہ ہیلی کاپڑکی لینڈنگ میں پھنسےہوئےہیں ریموٹ کنٹرول حکومت کےسیل ختم ہو گئےہیں ساراملک تھریٹ الرٹ میں آچکاہےہم نےدہشگردی ختم کر نی ہےکسی کی جنگ کا حصہ نہیں بنناآج قومی سلامتی کی میٹنگ میں الیکشن بھی ایجنڈےمیں ہوناچاہیےآٹانایاب بجلی گیس لوڈشینگ8گھنٹےہے

— Sheikh Rashid Ahmed (@ShkhRasheed) December 30, 2022

استعفے اقراری یا انکاری نہیں اب ملک کی بقاء کا مسئلہ ہے

سابق وزیر داخلہ نے کہا کہ ہم نے دہشگردی ختم کرنی ہے، کسی کی جنگ کا حصہ نہیں بننا۔ آج قومی سلامتی کی میٹنگ میں الیکشن بھی ایجنڈے میں ہونا چاہیے۔

انہوں نے کہا کہ استعفے اقراری یا انکاری نہیں اب ملک کی بقاء کا مسئلہ ہے، آٹا نایاب، بجلی گیس لوڈشینگ 8 گھنٹے ہے، زر مبادلہ کے ذخائر تشویش ناک حد تک 6ارب ڈالر سے کم ہوگئے ہیں۔

نظریہ ضرورت دفن ہوچکا ہے

شیخ رشید نے کہا کہ دیکھنا ہوگا سعودی عرب اور چین سے 3-3 ارب ملتے ہیں یا نہیں، آئی ایم ایف کا مسئلہ بھی لٹکا ہوا ہے۔

سابق وفاقی وزیر نے مزید کہا کہ ٹینکو کریٹ حکومت کی آئین میں گنجائش نہیں، نگران حکومت انتخابات کے لیے آسکتی ہے۔ نظریہ ضرورت دفن ہوچکا ہے۔

10 روز میں اہم سیاسی، معاشی میٹنگز اور فیصلے ہوجائیں گے

 اس سے قبل اپنے ایک پیغام میں عوامی مسلم لیگ کے سربراہ شیخ رشید کا کہنا تھا کہ 10 روز میں اہم ریاستی، سیاسی، معاشی میٹنگز اور فیصلے ہوجائیں گے۔

یہ بھی پڑھیں: زرمبادلہ کے ذخائر میں مزید کمی

ں شیخ رشید نے کہا تھا کہ آئی ایم ایف کے ساتھ ڈیڈ لاک ہوگیا ہے، ڈالر انٹر بینک اور کرنسی مارکیٹ میں 30 روپے کا فرق ہے، ریزرو 5 ارب ڈالر سے کچھ زیادہ رہ گئے ہیں۔

انہوں نے کہا کہ آٹے کا قحط گیس کے بعد بجلی کی لوڈشیڈنگ ہے،  غیر ملکی سفارت خانوں نے اپنے عملے کو اسلام آباد میں محتاط رہنے کا کہہ دیا ہے۔

سابق وفاقی وزیر نے کہا کہ ملک ٹیکنیکلی ڈیفالٹ ہوچکا ہے، عوام کا نام ہی ریاست ہے، عوام تباہی اور بربادی کے دہانے پر پہنچ گئے ہیں۔

پی ٹی آئی رہنما شیخ رشید نے مزید کہا تھا کہ اسٹیبلشمنٹ اور عوام کا چولی دامن کا ساتھ ہے، اب خاموش تماشائی نہیں رہا جا سکتا۔