اقلیتوں کے حقوق کا تحفظ ہمارا فرض ہے، چوہدری پرویز الٰہی

ویب ڈیسک

24th Dec, 2022. 04:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اقلیتوں کے حقوق کا تحفظ ہمارا فرض ہے، چوہدری پرویز الٰہی

وزیراعلیٰ پنجاب چوہدری پرویز الٰہی نے کہا ہے کہ قائداعظم محمد علی جناحؒ نے ہمارے پرچم میں سفید رنگ اقلیتوں کیلئے رکھا ہے اور اقلیتوں کے حقوق کا تحفظ ہمارا فرض ہے۔

وزیراعلیٰ پنجاب چوہدری پرویز الٰہی نے وزیراعلیٰ آفس میں کرسمس کے حوالے سے خصوصی تقریب میں مسیحی برادری کے ساتھ مل کر کرسمس کا کیک کاٹا۔

وزیراعلیٰ چوہدری پرویز الٰہی کا اقلیتوں کو مالکانہ حقوق دینے کا اعلان

اس موقع پر انہوں نے کہا کہ ہم نے فیصلہ کیا ہے کہ جہاں کچی آبادیوں میں مقیم مسلمانوں کو مالکانہ حقوق دیں گے، وہاں اقلیتوں کو بھی مالکانہ حقوق دیئے جائیں گے، اسکے علاوہ ملازمتوں میں اقلیتوں کا کوٹہ2 فیصد سے بڑھا کر 5 فیصد مقرر کیا ہے۔

یہ بھی پڑھیں: چوہدری پرویز الٰہی کے کھیل

انہوں نے کہا کہ اقلیتی برادری سے تعلق رکھنے والے منتخب نمائندوں کے حلقوں کے مسائل حل کئے جائیں گے اور اقلیتی برادری کے اراکین اسمبلی کے حلقوں کو مزید مضبوط بنائیں گے۔

وزیراعلیٰ پنجاب کا کہنا تھا کہ اقلیتی برادری کے لئے میرے دفتر کے دروازے ہمہ وقت کھلے ہیں اور میری نیک نیتی سے کوشش ہے کہ آپ کے تمام مسائل کو حل کیا جائے۔