ارشد شریف قتل کیس، اسپیشل جے آئی ٹی نے تحقیقات کا آغاز کردیا

ویب ڈیسک

10th Dec, 2022. 04:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ارشد شریف قتل کیس، اسپیشل جے آئی ٹی نے تحقیقات کا آغاز کردیا

سپریم کورٹ کی جانب سے تشکیل دی جانے والی اسپیشل جے آئی ٹی نے ارشد شریف قتل کیس کی تحقیقات کا آغاز کردیا ہے۔

تفصیلات کے مطابق پاکستان کے معروف صحافی ارشد شریف قتل کیس میں اسپیشل جے آئی ٹی کی پہلی میٹنگ گزشتہ روز ڈی آئی جی ہیڈ کوارٹر دفتر میں منعقد ہوئی۔

میٹنگ کے دوران فیصلہ کیا گیا کہ جے آئی ٹی اپنے ٹی او آرز بنائے گی اور سب سے پہلے مقتول ارشد شریف کی والدہ اور بیوہ کا بیان ریکارڈ کرے گی۔

فیصلے کے مطابق اس سلسلے میں تمام متعلقہ افراد سے رابطہ کیا جائے گا جبکہ جے آئی ٹی نے کینیا جانے کے لئے تمام سفری دستاویزات کی فوری تیاری شروع کردی ہے۔

اسکے علاوہ جے آئی ٹی ارشد شریف قتل سے جڑے تمام افراد سے رابطہ کرے گی۔ اس سلسلے میں کینیا کا دورہ بھی کیا جائے گا۔

خیال رہے کہ آئی جی اسلام آباد اکبرناصر خان نے اسپیشل جوائنٹ انویسٹی گیشن ٹیم تشکیل دی تھی۔

کیپیٹل پولیس آفیسر اویس احمد جےآئی ٹی کےکنوینر ہیں جبکہ جےآئی ٹی ارکان میں آئی ایس آئی سے محمد اسلم، ایم آئی سےمرتضیٰ افضل، ایف آئی اے سے وقارالدین سید اور آئی بی سے ساجد کیانی شامل ہیں۔