اسلام آباد: صدر مملکت ڈاکٹر عارف علوی نے کہا ہے کہ ریکوڈک سمیت دیگر منصوبے بلوچستان کو مختصر عرصے میں خوشحال بنا سکتے ہیں۔

تفصیلات کے مطابق  صدر پاکستان ڈاکٹر عارف علوی  سے تعلیمی دورے پر آئے کیڈٹ کالج کوہلو، بلوچستان کے کیڈٹس کی ملاقات ہوئی ہے۔

صدر مملکت ڈاکٹر عارف علوی سے تعلیمی دورے پر آئے کیڈٹ کالج کوہلو، بلوچستان کے کیڈٹس کی ملاقات

سیاسی قیادت کی جانب سے بلوچستان کے عوام کے ساتھ نچلی سطح پر روابط بڑھانے کی ضرورت ہے، صدر مملکت

Advertisement

بلوچستان کی ترقی کیلئے اس کے انسانی اورقدرتی وسائل پر سرمایہ کاری کرنا ہوگا، صدر مملکت pic.twitter.com/cGzG4SJjHV

— The President of Pakistan (@PresOfPakistan) December 22, 2022

بلوچستان کی ترقی کیلئے انسانی اور قدرتی وسائل پر سرمایہ کاری کرنی ہوگی

انہوں نے کہا کہ سیاسی قیادت کی جانب سے بلوچستان کے عوام کے ساتھ نچلی سطح پر روابط بڑھانے کی ضرورت ہے ، بلوچستان کی ترقی کیلئے اس کے انسانی اور قدرتی وسائل پر سرمایہ کاری کرنی ہوگی۔

عارف علوی نے کہا کہ قومی اور صوبائی قیادت عوام کے ساتھ مضبوط سیاسی تعلقات استوار کرے  بلوچستان کے نوجوانوں کو صوبائی اور قومی ترقی میں کردار ادا کرنے کے قابل بنانے کی ضرورت ہے۔

بلوچستان معدنیات سے مالا مال صوبہ ہے

انکا کہنا ہے کہ بلوچستان معدنیات سے مالا مال صوبہ ہے، لوگ با صلاحیت اور بہادر ہیں، ریکوڈک سمیت دیگر منصوبے بلوچستان کو مختصر عرصے میں خوشحال بنا سکتے ہیں، بلوچستان کے قدرتی وسائل کو بہترین عالمی طریقہ کار اپنا کر ترقی دی جا سکتی ہے۔

صدر مملکت نے کہا کہ اقربا پروری اور بدعنوانی کا خاتمہ، میرٹ اور شفافیت کا فروغ قوم کی تعمیر کے لیے ضروری ہے، ماضی کی غلطیوں سے سبق سیکھنا، ذاتی مفادات اور انا کو ترک کرنا چاہیے۔

طلباء زندگی بھر علم کے حصول کو جاری رکھیں

انہوں نے کہا کہ سائنس و ٹیکنالوجی، مناسب پرورش اور اپنی آنے والی نسلوں کی کردار سازی پر توجہ دینی چاہیے، سیاسی استحکام اور پالیسیوں کا تسلسل مالی، سماجی اور اقتصادی استحکام کے حصول، تجارت اور سرمایہ کاری کے فروغ کی کنجی ہے۔

صدر مملکت نے کہا کہ تمام اسٹیک ہولڈرز اپنی انا اور انتہائی رویے کو ایک طرف رکھیں اور عظیم تر قومی مفاد کو مقدم رکھیں۔

مزید پڑھیں: دہشتگردی کو ملک سے مکمل طور پر ختم کرنے کیلئے کام کرنا ہوگا، صدر مملکت

ڈاکٹر عارف علوی نے مزید کہا کہ طلباء زندگی بھر علم کے حصول کو جاری رکھیں اور اپنی صلاحیتوں کو مسلسل نکھاریں، طلباء اپنی اخلاقی اور خاندانی اقدار کو برقرار رکھتے ہوئے صحیح ترجیحات کا تعین کریں۔

اس موقع پر صدر مملکت نے معیاری گریجویٹس تیار کرنے پر پاکستان کے کیڈٹ کالجز کی تعریف بھی کی۔