سابق وزیر خزانہ شوکت ترین کا کہنا ہے کہ تکنیکی اعتبار سے ہم ڈیفالٹ کر چکے ہیں۔

پاکستان تحریک انصاف (پی ٹی آئی) کے رہنما شوکت ترین نے بول نیوز کے پروگرام “تبدیلی” میں گفتگو کرتے ہوئے کہا کہ ڈالر کو منجمد کیا تو 1998 سے بڑی تباہی ہوگی۔

تکنیکی اعتبار سے ہم ڈیفالٹ کر چکے ہیں
ڈالر کو منجمد کیا تو 1998 سے بڑی تباہی ہوگی
شوکت ترین نے خطرے کی گھنٹی بجا دی #Dollar #ShaukatTarin pic.twitter.com/Z43Xq8ofVk

— BOL Network (@BOLNETWORK) December 11, 2022

انہوں نے کہا کہ حکومت نے مارکیٹس میں ڈالر دینا بند کردیے، ڈالر کی غیراعلانیہ قیمت 265 روپے تک پہنچ چکی ہے، تکنیکی اعتبار سے ہم ڈیفالٹ کر چکے ہیں۔

سابق وزیر خزانہ نے کہا کہ ڈالر مہنگا ہونے سے درآمدی قیمت بڑھ جائے گی، مہنگائی مزید بڑھے گی۔

شوکت ترین نے مزید کہا کہ مقامی صنعتیں بند ہورہی ہیں، دوست ممالک بھی کہہ رہے ہیں کہ ہم مستحکم ممالک سے بات کریں گے۔

امپورٹڈ حکومت نے ملکی معیشت کی تباہی کے تمام ریکارڈ توڑ دیے

امپورٹڈ حکومت کی جانب سے ترقی کرتی ملکی معیشت کی تباہی کے تمام ریکارڈ توڑ دیے گئے ہیں۔

چند روز قبل سابق وزیر خزانہ شوکت ترین نے مختلف مصنوعات کی فروخت میں نمایاں کمی کے اعداد و شمار سماجی میڈیا پر جاری کر دیے تھے۔

انہوں نے کہا کہ جولائی تا اکتوبر 2022 کے فروخت اعداد و شمار کے مطابق گاڑیوں کی فروخت میں سالانہ 46 فیصد کمی واقع ہوئی ہے جبکہ پیٹرولیم مصنوعات کی فروخت میں بھی سالانہ 22 فیصد کمی ہوئی ہے۔

ان کا کہنا تھا کہ سیمنٹ کی فروخت 23 فیصد سالانہ کمی کا شکار ہو چکی ہے جبکہ ورکرز کی ترسیلات زر میں سالانہ 9 فیصد کمی ہوئی ہے اور پاور ڈسپیچ بھی 10 فیصد کم ہے۔

 انہوں نے کہا کہ فرٹیلائزر کی اکتوبر کی فروخت میں 46 فیصد کمی واقع ہوئی تھی جبکہ ڈسکاؤنٹ کی شرح 16 فیصد تک بڑھ چکی ہے۔

  سابق وزیر خزانہ شوکت ترین نے مزید کہا کہ پرانے پاکستان میں خوش آمدید۔

Advertisement

Sales data (Jul-October)
Car sales down 46% YoY
Petroleum Products sales down 22% YoY
Cement Sales -down 23% YoY
Workers remittances down 9% YoY
Power dispatches down 10% YoY
Fertiliser October sales down 46% and discount rate increased to 16%. Welcome to Purana Pakistan

— Shaukat Tarin (@shaukat_tarin) November 25, 2022