پاکستان تحریک انصاف (پی ٹی آئی) کے چیئرمین عمران خان کی جانب سے آزاد کشمیر بلدیاتی انتخابات میں کامیابی پر آزاد کشمیر کے وزیراعظم تنویر الیاس کو مبارکباد پیش کی گئی ہے۔

سماجی رابطے کی ویب سائٹ ٹوئٹر پر اپنے جاری کردہ پیغام میں چیئرمین پی ٹی آئی عمران خان نے کہا کہ بلدیاتی انتخابات میں پی ٹی آئی اور تنویر الیاس کو مبارکباد پیش کرتا ہوں۔

Congratulations to AJK PTI & Sardar Ilyas for PTI's success in LG elections despite a biased Election Commission
working against us. pic.twitter.com/73kkGn7vwo

— Imran Khan (@ImranKhanPTI) December 5, 2022

سابق وزیراعظم عمران خان نے مزید کہا کہ پی ٹی آئی نے بلدیاتی انتخابات میں جانبدار الیکشن کمیشن کے باوجود کامیابی حاصل کی۔

‘عمران خان پاکستان کی سب سے بڑی سیاسی حقیقت بن چکے ہیں’

اس سے قبل پاکستان تحریک انصاف کے رہنما عمران اسماعیل نے کہا تھا کہ عمران خان آج پاکستان کی سب سے بڑی سیاسی حقیقت بن چکے ہیں۔

 سماجی رابطے کی ویب سائٹ ٹوئٹر پر عمران اسماعیل نے کہا تھا کہ کشمیر الیکشن کے نتائج سے پی ڈی ایم  کو عوام کے موڈ کا بخوبی اندازہ ہوگیا ہوگا۔

کشمیر الیکشن کے نتائج سے PDM کو عوام کے موڈ کا بخوبی اندازہ ہوگیا ہوگا- پوری اسٹیٹ مشنری اور پیسہ لگا کہ بھی برُی شکست سے دو چار ہونا پڑا- آج عمران خان پاکستان کی سب سے بڑی سیاسی حقیقت بن چکے ہیں- امپورٹڈ سرکار کے لیے ایک خطرناک کھلاڑی اور عوام کا لاڈلا pic.twitter.com/4ukqRqw1e1

— Imran Ismail (@ImranIsmailPTI) December 5, 2022

سابق گورنر سندھ نے مزید کہا کہ پوری اسٹیٹ مشنری اور پیسہ لگا کر بھی برُی شکست سے دو چار ہونا پڑا، آج عمران خان پاکستان کی سب سے بڑی سیاسی حقیقت بن چکے ہیں، امپورٹڈ سرکار کے لیے ایک خطرناک کھلاڑی اور عوام کا لاڈلا۔

فواد چوہدری

دوسری جانب اپنے ٹوئٹر پر فواد چوہدری نے کہا کہ اکتیس سال بعد آزاد کشمیر میں بلدیاتی انتخابات ہوئے، وفاقی حکومت نے کیا نہیں کرلیا افسران لگائے، پیسہ ڈالا، دباؤ ڈالا گیا اور یہ ہیں ان انتخابات کے نتائج، تحریک انصاف کا مقابلہ آزاد امیدواروں سے ہوا۔

اکتیس سال بعد آزاد کشمیر میں بلدیاتی انتخابات ہوئے وفاقی حکومت نے کیا نہیں کرلیا افسران لگائے، پیسہ ڈالا دباؤ ڈالا گیااور یہ ہیں ان انتخابات کے نتائج، تحریک انصاف کا مقابلہ آزاد امیدواروں سے ہوا ، نواز شریف اور زرداری کا بوجھ اتنا زیادہ ہے کہ دونوں جماعتیں اس بوجھ میں دب چکی ہیں pic.twitter.com/Wg0a2prL92

— Ch Fawad Hussain (@fawadchaudhry) December 5, 2022

سابق وفاقی وزیر نے مزید کہا کہ نواز شریف اور زرداری کا بوجھ اتنا زیادہ ہے کہ دونوں جماعتیں اس بوجھ میں دب چکی ہیں۔

اسد عمر

پی ٹی آئی رہنما اسد عمر نے اپنے ٹوئٹر پر کہا کہ کوئی جگہ بچ تو نہیں گئی پاکستان میں جہاں کپتان نے اس امپورٹڈ حکومت کا سیاسی جنازہ نا نکالا ہو؟

کوئ جگہ بچ تو نہیں گئ پاکستان میں جہاں کپتان نے اس امپورٹڈ حکومت کا سیاسی جنازہ نا نکالا ہو؟ #امپورٹڈ_حکومت_نامنظور pic.twitter.com/r4HEFZFm0r

Advertisement

— Asad Umar (@Asad_Umar) December 5, 2022

پی ٹی آئی نے آزاد کشمیر بلدیاتی انتخابات کے دوسرے مرحلے میں میدان مارلیا

خیال رہے کہ پاکستان تحریک انصاف نے آزاد کشمیر میں بلدیاتی انتخابات کے دوسرے مرحلے میں میدان مارلیا۔

 آزاد کشمیر میں بلدیاتی انتخابات کے دوسرے مرحلے میں پونچھ ڈویژن کے چار اضلاع راولا کوٹ، باغ، پلندری اور حویلی میں پولنگ کا عمل مکمل ہوگیا۔

غیر سرکاری اور غیر حتمی نتائج کے مطابق پی ٹی آئی نے اب تک 32 نشستوں پر کامیابی حاصل کرلی ہے جب کہ پیپلزپارٹی 13 اور مسلم لیگ (ن) صرف 9 نشستیں جیتنے میں کامیاب رہے اور 9 سیٹوں پر آزاد امیدوار کامیاب ہوئے ہیں۔

الیکشن کمیشن کے مطابق آزاد کشمیر میں بلدیاتی انتخابات کے دوسرے مرحلے کی پولنگ کے لیے 1867 پولنگ اسٹیشنز اور 2697 پولنگ بوتھ قائم کیے گئے اور 547 پولنگ اسٹیشنز کو حساس اور 406 کو انتہائی حساس قرار دیا گیا ہے جب کہ پونچھ ڈویژن میں 12 امیدوار پہلے ہی بلامقابلہ منتخب ہو چکے ہیں۔