پاکستان میں رواں سال مہنگائی کے نئے ریکارڈ قائم

ویب ڈیسک

13th Dec, 2022. 09:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان میں رواں سال مہنگائی کے نئے ریکارڈ قائم

پاکستان میں رواں سال مہنگائی کے نئے ریکارڈ قائم ہوئے ہیں۔

تفصیلات کے مطابق پاکستان میں آٹا، مرغی، گوشت، انڈے، دالیں آلو پیاز، ٹماٹر سب کچھ مہنگا ہوا ہے۔

ادارہ شماریات کے اعداد و شمار کے مطابق ایک سال میں 20 کلو آٹے کا تھیلا 800 روپے تک مہنگا ہوا، باسمتی چاول 40 روپے فی کلو مہنگے ہوئے، بیف 100 روپے، مٹن 400 روپے اور زندہ مرغی کا گوشت 110 روپے فی کلو تک مہنگا ہوا ہے۔

ادارہ شماریات کا کہنا ہے کہ تازہ دودھ 60 روپے فی لیٹر، دہی 60 روپے فی کلو مہنگا ہوا ہے جبکہ ایک سال میں انڈے 100 روپے فی درجن تک مہنگے ہوئے ہیں۔

ڈھائی کلو گھی کا ڈبہ 395 روپے تک مہنگا ہوا ہے جبکہ دال مسور 90 روپے، دال مونگ 90 روپے، دال ماش 125 روپے اور دال چنا 90 روپے فی کلو تک مہنگی ہوئی ہے۔

آلو کی قیمت میں 50 روپے، پیاز کی قیمت میں 210 روپے، ٹماٹر کی قیمت میں 110 روپے، لہسن 100 روپے فی کلو تک مہنگا ہوا ہے۔

ادارہ شماریات کا مزید کہنا ہے کہ ایک سال میں نمک کا پیکٹ 15 روپے تک مہنگا ہوا ہے جبکہ چائے کا پیکٹ 163 روپے تک مہنگا ہوا ہے۔