سابق وفاقی وزیر شیخ رشید نے کہا ہے کہ آج جو عمران خان کو چھوڑے گا وہ اپنے پاؤں پپر خود کلہاڑی مارے گا۔

سماجی رابطے کی ویب سائٹ پر اپنے ایک پیغام میں شیخ رشید نے کہا کہ آج عمران خان اسمبلیاں توڑنے کی فائنل تاریخ دے گا اور 560 قومی اور صوبائی اراکین کے مستقبل کافیصلہ کریں گے ۔

آئندہ24گھنٹےبہت اہم ہیں صدرعلوی کوکوئی کامیابی نہیں ملی تجارتی صعنتی شعبہ جام ہو گیاعمران خان کودیوارسےلگانےوالےملک کودیوارسےنہ لگائیں250روپےکاڈالرنایاب آٹےکاتھیلا40روپےمہنگاہوگیاہےآج عمران خان اسمبلیاں توڑنےکی فائنل تاریخ دےگاسیاسی کلیجہ پھٹتاہےتوغریب کےلیےریلیف کی نیازبٹتی ہے

— Sheikh Rashid Ahmed (@ShkhRasheed) December 17, 2022

جو عمران خان کو چھوڑے گا وہ اپنے پاؤں پر کلہاڑی مارے گا

انہوں نے کہا کہ دونوں صوبائی اسمبلیوں کے وزیراعلیٰ اسمبلیاں توڑنے کا اختیار عمران خان کو دے چکے ہیں اور اب جو عمران خان کو چھوڑے گا وہ اپنے پاؤں پر کلہاڑی مارے گا۔

ملک کو دیوار سے نہ لگائیں

انہوں نے مزید کہا کہ پاکستان میں 250 روپے کا ڈالر نایاب ہوگیا ہے  جبکہ آٹے کا تھیلا 40 روپے مہنگا ہوگیا ہے تاہم عمران خان کو دیوارسے لگانے والے ملک کو دیوار سے نہ لگائیں۔

یہ بھی پڑھیں: پی ڈی ایم عمران خان کو دیوار کیساتھ لگا کر نااہل کروانا چاہتی ہے، شیخ رشید

شیخ رشید نے کہا کہ آج وزیر پٹرولیم اور وزیر خارجہ روسی تیل پے آمنے سامنے ہیں جبکہ مفتاع اور ڈار ایک دوسرے کا پوسٹمارٹم کررہے ہیں۔

بعدازاں بول نیوز سے گفتگو کرتے ہوئے شیخ رشید نے کہا کہ انکا 2 نکاتی ایجنڈا ہے اور اس ایجنڈے کو عمران خان نہیں مانے گا۔

انہوں نے کہا کہ اسوقت عوامی رائےعامہ عمران خان کےساتھ ہے اور 30 دسمبر سے پہلے اسمبلیاں نہیں توڑیں تو عمران خان کی ساخت متاثر ہوگی۔

انہوں نے مزید کہا کہ فراری حکومت کو پتا ہے کہ عمران خان کا مقابلہ نہیں کرسکتے ہیں اور اب جوبھی ہونا ہے 10 سے 12 گھنٹوں میں ہوجائےگا۔

اس سے قبل انہوں نے اپنے ایک کہا تھا کہ بارڈر کی صورت حال خراب ہو رہی ہے، ملک معاشی طور پر ڈوب رہا ہے، سیاست میں دروازے بند نہیں ہو سکتے، اس وقت سیاسی عدم استحکام ہے، اگر مذاکرات میں کامیابی آنی ہے تو یہی ہفتہ ہے۔

 ان کا یہ بھی کہنا تھا کہ عمران خان تو الیکشن کا مطالبہ کر رہے ہیں، چاہے نواز شریف کو بلا لو لیکن الیکشن کراؤ۔

مزید پڑھیں؛ عمران خان کو الگ کرنے سے عدم استحکام دور نہیں ہوگا، استحکام کیلئے الیکشن کرانے ہونگے، شیخ رشید