وزیراعظم شہباز شریف کا کہنا ہے کہ پولیو کے خاتمے کیلئے بل گیٹس کی جانب سے تعاون اور حمایت پر مشکور ہیں۔

سماجی رابطے کی ویب سائٹ ٹوئٹر پر اپنے جاری کردہ بیان میں شہباز شریف نے کہا کہ گزشتہ رات بل گیٹس سے ٹیلیفون پر بات ہوئی، جس میں پاکستان میں پولیو کے خاتمے کے حوالے سے گفتگو کی۔

In a phone call last night, Bill Gates & I discussed polio eradication challenges in our flood-hit areas. Government will continue to work with Bill & Melinda Gates Foundation to ensure no child remains at risk of this deadly virus. I thanked Mr Gates for his consistent support.

— Shehbaz Sharif (@CMShehbaz) December 14, 2022

وزیراعظم نے بتایا کہا کہ پاکستان میں سیلاب سے متاثرہ علاقوں میں انسداد پولیو مہم پر تبادلہ خیال بھی کیا۔

شہباز شریف نے مزید کہا کہ حکومت بل اینڈ میلنڈا گیٹس فاؤنڈیشن کے ساتھ کام جاری رکھے گی، پولیو کے خاتمے کے لیے بل گیٹس کی جانب سے تعاون اور حمایت پر مشکور ہیں۔

شہباز شریف اور بل گیٹس میں ٹیلیفونک رابطہ

خیال رہے کہ  گزشتہ رات ائیکرو سافٹ کے بانی بل گیٹس کی وزیراعظم شہباز شریف سے ٹیلیفونک گفتگو ہوئی جس میں شہباز شریف نے پولیو کے خاتمے کی کوششوں میں بل اینڈ میلنڈا گیٹس فاؤنڈیشن کے تعاون کو سراہتے ہوئے کہا کہ شہباز شریف نے کہا کہ حکومت پولیو کے خاتمے کیلئے پر عزم ہے۔

وزیراعظم شہباز شریف نے مزید کہا کہ پاکستان میں ایک سال کے وقفے کے بعد 2022 میں نئے پولیو کیس سامنے آئے ہیں جبکہ ستمبر  2022کے بعد کوئی نیا کیس سامنے نہیں آیا ہے۔

اس موقع پر مائیکرو سافٹ کے بانی بل گیٹس نے حالیہ سیلاب سے تباہی اور جانوں کے ضیاع پر افسوس کا اظہار کرتے ہوئے کہا کہ بل گیٹس فاؤنڈیشن پاکستان میں ہر بچے کے پولیو وائرس سے تحفظ کے لیے تعاون جاری رکھے گی۔

اس دوران غذائی کمی، حفاظتی ٹیکہ جات، مائیکرو پیمنٹ گیٹ وے اور قومی بچت کی ڈجٹائزیشن پروگرام پر بھی تبادلہ خیال کیا گیا۔