شنگھائی میونسپل گورنمنٹ کی جانب سے ایڈمنسٹریٹر کراچی کو کراچی کے انفرا اسٹرکچر کی بہتری کے لئے 2 کڑوڑ 17 لاکھ روپے کا عطیہ پیش کیا گیا ہے۔

تفصیلات کے مطابق ایڈمنسٹریٹر کراچی ڈاکٹر سید سیف الرحمان سے ان کے دفتر میں قونصل جنرل چین نے ملاقات کی۔

ایڈمنسٹریٹر کراچی ڈاکٹر سید سیف الرحمن سے ان کے دفتر میں قونصل جنرل چین نے ملاقات کی اور شنگھائی میونسپل گورنمنٹ اور وہاں کی عوام کی جانب سے کراچی کے انفراسٹرکچر کی بہتری کے لئے دو کڑوڑ 17لاکھ روپے کا عطیہ پیش کیا، pic.twitter.com/lVl3cPB4Fq

— Karachi Metropolitan Corporation (@KmcPakistan) December 20, 2022

ملاقات کے دوران ایڈ منسٹریٹر کراچی نے گفتگو کرتے ہوئے کہا کہ قونصل جنرل چین نے شنگھائی کے شہریوں اور شنگھائی میونسپل گور نمنٹ کی جانب سے کراچی کے انفرا اسٹر کچر کے لئے 2 کروڑ 17 لاکھ روپے کا عطیہ دیا ہے۔

انہوں نے کہا کہ کراچی اور شنگھائی سسٹر سٹی ہیں۔ چین اور پاکستان کی دوستی لازوال ہے اور دونوں ملکوں کے عوام ایک دوسرے کے لئے محبت اور بھائی چارگی رکھتے ہیں۔

کراچی اور شنگھائی کراچی کی ترقی کیلئے مل کر کام کریں گے

سیف الرحمان نے کہا کہ کراچی اور شنگھائی کراچی کی ترقی کے لئے مل کر کام کریں گے، شنگھائی کی میونسپل گور نمنٹ کی جانب سے دی گئی رقم کراچی کی ترقی پر خرچ کی جائے گی۔

ایڈمنسٹریٹر کراچی کا کہنا ہے کہ بارشوں کے بعد کراچی کا انفرا اسٹر کچر خراب ہوا ہے، شنگھائی کے شہریوں اور بلدیہ کی طرف سے یہ ایک تحفہ ہے۔

مزید پڑھیں: تمام بلدیاتی اداروں کے ساتھ مل کر شہر کیلئے کام کریں گے، ایڈمنسٹریٹر کراچی

انہوں نے مزید کہا کہ کراچی کے انفرا اسٹرکچر کی بہتری کے لئے چین کی ٹیکنیکل سپورٹ بلدیہ عظمیٰ کراچی کو حاصل رہے گی۔

قونصل جنرل چین کی ایڈمنسٹریٹر کراچی کو چین کے دورے کی دعوت

اس موقع پر قونصل جنرل چین نے ایڈمنسٹریٹر کراچی کو چین کے دورے کی دعوت دی اور دوران انہوں نے کے ایم سی کی تاریخی عمارت اور کونسل ہال کا بھی دورہ کیا۔