پاکستان تحریک انصاف (پی ٹی آئی) کے رہنما فرخ حبیب نے کہا ہے کہ انتخابی میدان میں شکست کے خوف سے چوروں کا ٹولہ بھاگ گیا۔

سماجی رابطے کی ویب سائٹ ٹوئٹر پر اپنے جاری کردہ بیان میں فرخ حبیب نے کہا کہ پنجاب میں عدم اعتماد اور ووٹ آف کانفیڈینس سے ایک بات تو کھل کر ثابت ہوگئی۔

پنجاب میں عدم اعتماد اور ووٹ آف کانفیڈینس سے ایک بات تو کھل کر ثابت ہوگئی انتخابی میدان میں عمران خان کا مقابلہ کرنے کے لئے ن لیگ چوروں کا ٹولہ بدترین شکست کے خوف سے بھاگ گیا ہے۔
سیاسی جماعتوں کا اصل فیصلہ عوام کرتی ہے بھاگ لو کتنا بھاگو گے چاروں طرف عوام گھیر کر شکست دے گی

— Farrukh Habib (@FarrukhHabibISF) December 20, 2022

پی ٹی آئی رہنما نے کہا کہ انتخابی میدان میں عمران خان کا مقابلہ کرنے کے لئے ن لیگ چوروں کا ٹولہ بدترین شکست کے خوف سے بھاگ گیا ہے۔

فرخ حبیب نے مزید کہا کہ سیاسی جماعتوں کا اصل فیصلہ عوام کرتی ہے بھاگ لو کتنا بھاگو گے چاروں طرف عوام گھیر کر شکست دے گی۔

عمران خان کی تمام ایم پی ایز کو لاہور میں رہنے کی ہدایت

دوسری جانب سابق وزیراعظم اور پاکستان تحریک انصاف کے چیئرمین عمران خان نے اپنے تمام ایم پی ایز کو لاہور میں موجود رہنے کی ہدایت کردی ہے۔

پنجاب اسمبلی میں وزیراعلیٰ کے خلاف عدم اعتماد کے معاملے پر چیئرمین پی ٹی آئی عمران خان نے قانونی ٹیم کا اہم اجلاس طلب کرلیا ہے۔

اجلاس کے دوران عدم اعتماد پر قانونی پہلوؤں کا جائزہ لیا جائے گا  اور عدم اعتماد کے معاملے کو عدالت میں لے جاسکتا ہے یا نہیں اہم قانونی مشاورت ہوگی ۔

یہ بھی پڑھیں؛ تحریک انصاف اور مسلم لیگ (ق) اگلے انتخابات میں بھی مل کر چلیں گے، عمران خان

اس کے علاوہ عمران خان نے تحریک انصاف کی اہم قیادت کا اجلاس بھی طلب کرلیا ہے جس میں عدم اعتماد کے معاملے پر سینیر قیادت سے مشاورت کی جائیگی ۔

پی ڈی ایم نے وزیراعلیٰ پنجاب کے خلاف تحریک عدم اعتماد جمع کرا دی

اس سے قبل پاکستان ڈیموکریٹک موومنٹ (پی ڈی ایم) نے وزیراعلیٰ پنجاب پرویز الہٰی کے خلاف تحریک عدم اعتماد جمع کرا دی۔

 آصف زرداری کی ہدایت کے بعد پیپلزپارٹی اور مسلم لیگ ن کے رہنماء وزیراعلیٰ پنجاب اسمبلی چوہدری پرویزالہٰی کیخلاف تحریک عدم اعتماد جمع کرانے پہنچے۔

چوہدری پرویز الہٰی کیخلاف تحریک عدم اعتماد سیکریٹری پنجاب اسمبلی عنایت اللہ نے وصول کی، جس پر مسلم لیگ ن اور پیپلزپارٹی کے اراکین کی جانب سے دستخط کئے گئے۔

یہ بھی پڑھیں: پی ڈی ایم کا پرویز الہٰی کے خلاف تحریک عدم اعتماد جمع کرانے کا فیصلہ

تحریک عدم اعتماد کے متن میں کہا گیا ہے کہ وزیراعلیٰ پنجاب چوہدری پرویز الہٰی ایوان کا اعتماد کھوچکے ہیں، وہ پنجاب اسمبلی سے دوبارہ اعتماد کا ووٹ لیں۔

‘گورنر پنجاب نے اعتماد کا ووٹ لینے کی ایڈوئس پرویز الہٰی کو بجھوا دی’

گورنر پنجاب نے اعتماد کا ووٹ لینے کی ایڈوئس وزیراعلیٰ پنجاب چوہدری پرویز الہٰی کو بجھوا دی۔

گورنر پنجاب بلیغ الرحمان نے اعتماد کا ووٹ لینے کی ہدایت کی جبکہ گورنر پنجاب کی جانب سے بدھ کی شام چار بجے پنجاب اسمبلی کا اجلاس طلب کر لیا ہے۔