خواتین مردوں کے شانہ بشانہ ملک و قوم کی ترقی میں اپنا کردار ادا کررہی ہیں، گورنرسندھ

ویب ڈیسک

03rd Dec, 2022. 04:03 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خواتین مردوں کے شانہ بشانہ ملک و قوم کی ترقی میں اپنا کردار ادا کررہی ہیں، گورنرسندھ

گورنر سندھ کامران ٹیسوری نےکہا ہے کہ پاکستانی خواتین مردوں کے شانہ بشانہ ملک و قوم کی ترقی میں اپنا کردار ادا کررہی ہیں۔

تفصیلات کے مطابق گورنر سندھ کی 9ویں آل پاکستان ایچ ای سی انٹر یونیورسٹی خواتین شوٹنگ چیمئن شپ میں شرکت کی اور تقریب میں مدعو کرنے پر ایچ ای سی اور سر سید یونیورسٹی کا شکریہ بھی ادا کیا۔

اس موقع پر تقریب سے خطاب کرتے ہوئے گورنر سندھ نے کہا کہ بااختیار خواتین بہترین اور زندہ معاشروں کی علامت ہوتی ہے اور یہ مقابلہ خواتین کے لئے ایچ ای سی اور جامعہ سر سید کا یہ ایک مثالی قدم ہے۔

انہوں نے کہا کہ آج کے دور میں کمزور عورت اور محکوم عورت جیسے بوسیدہ بیانیہ کو دفن ہوجانا چاہئے کیونکہ خواتین مردوں کے شانہ بشانہ ملک و قوم کی ترقی میں اپنا کردار ادا کررہی ہیں۔

انہوں نے مزید کہا کہ پاکستانی خواتین نے دنیا کے سامنے اپنا منفرد کردار منوایا ہے اور چیمپیئن شپ کے لئے مدد و معاونت فراہم کرنے پر پاک نیوی کا شکریہ ادا کرتا ہوں۔

کامران ٹیسوری نے کہا کہ پاک نیوی کی خدمات قابل ستائش ہیں تاہم صحت مندانہ سرگرمیوں کے فروغ میں ہر ممکن تعاون فراہم کیا جائیگا۔