روز ویلٹ ہوٹل سے پاکستانی پرچم اتار دیا گیا ہے جس کے بعد پاکستان کی ملکیت کی فروخت پر حکومت اور حکومت وزراء کے دعوے جھوٹے ثابت ہونے لگے ہیں۔

تفصیلات کے مطابق بول نے روز ویلٹ ہوٹل بیچنے کی تیاری کی خبر چلائی تو سعد رفیق نے خبر کو غلط قرار دے دیا لیکن بول اپنی خبر پر کھڑا ہے جبکہ ہوٹل سے پاکستانی پرچم بھی اتار دیا گیا۔

بعدازاں سعد رفیق نے بول کے خلاف ٹوئٹ کیا جس کے بعد بول نے ان کا مؤقف جاننے کے لیے بار بار رابطے کی کوشش کی لیکن انہوں نے اپنا مؤقف نہیں دیا۔

بول نے خبر نشر کی تھی کہ حکومت نیویارک میں روز ویلٹ ہوٹل بیچنے کی تیاری کر رہی ہے جس کے خلاف وفاقی وزیر سعد رفیق میدان میں آئے اور بول کے خلاف خوب زہر اگلا اور خبر کو غلط قرار دیا جبکہ ساتھ ہی افسانہ سنایا کہ مرمت کے بعد ہوٹل کا ایک حصہ کھول دیا جائے گا تاکہ اس کے ٹیکسز اور سیکیورٹی کے اخراجات میں کمی ہوسکے۔

بول اب بھی اسی اسٹوری پر اسٹینڈ کرتا ہے کہ حکومت روز ویلٹ ہوٹل کو بیچنے کی تیاری کر رہی ہے تاہموزیر ریلوے کو دعوٰی ثابت کرنےکیلئے اپنا پلیٹ فارم پیش کردیا ہے۔

یہ بھی پڑھیں: ن لیگ کو بول کی حقیقی صحافت کھٹکنے لگی

پاکستان کی ملکیت کی فروخت کے حوالے سے ممکنہ امکانات:

خدشہ ظاہر کیا گیا ہے کہ روزویلٹ ہوٹل کو اس کی مارکیٹ ویلیو سے کم قیمت پہ بیچا جائے گا جبکہ اس وقت اس ہوٹل کی مارکیٹ ویلیو ایک اعشاریہ دو سے ایک اعشاریہ پانچ ارب ڈالر کی ہے اور ہوٹل کی فروخت کے سلسلے میں 20کروڑ ڈالرسےزائد کمیشن بھی ادا کیا جائے گا۔

ذرائع نے بتایا ہے کہ ہوٹل کی مارکیٹ ویلیو بھی کم دکھائی جائے گی جو صرف سودے کی حد تک ہوگی تاہم ہوٹل پہ قرض اور بند رہنے کے سبب خسارہ دکھا کر فروختگی کے عمل میں حائل رکاوٹیں دور کر لی گئی ہیں۔

ذرائع کے مطابق ہوٹل بیچ کر حاصل ہونے والی رقم سے بھی، ملک پر موجود قرضوں کا محض، معمولی حصہ ہی ادا کیا جاسکے گا۔