سپریم کورٹ نے سی سی پی او لاہور غلام محمود ڈوگر کو بحال کردیا

طیب بلوچ

02nd Dec, 2022. 11:27 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سپریم کورٹ نے سی سی پی او لاہور غلام محمود ڈوگر کو بحال کردیا

سپریم کورٹ نے وفاق کی جانب سے معطل کیے گئے سی سی پی او لاہور غلام محمود ڈوگر کو بحال کر دیا۔

عدالت عظمیٰ نے سروس ٹربیونل کے خصوصی بینچ کے فیصلے کے خلاف غلام محمود ڈوگر کی اپیل پر وفاقی حکومت کو نوٹس جاری کردیا۔

دوران سماعت غلام محمود ڈوگر کے وکیل عابد زبیری نے دلائل دیتے ہوئے کہا کہ غلام محمود ڈوگر کو فیڈرل سروس ٹربیونل نے بحال کیا تھا، سروس ٹربیونل کے ہی دو رکنی نے بحالی کا فیصلہ معطل کر دیا۔

وکیل عابد زبیری نے کہا کہ ٹربیونل کے دو رکنی بنچ کا فیصلہ دوسرا دو رکنی بنچ معطل نہیں کر سکتا، حکومت کی نظرثانی درخواست بھی ٹربیونل میں زیرالتواء تھی۔

جسٹس اعجاز الاحسن نے ریمارکس دیے کہ ٹربیونل کا ایک بینچ دوسرے بنچ کا فیصلہ کیسے معطل کر سکتا ہے؟ خصوصی بینچ نے ایک جانب کہا درخواست قبل ازوقت ہے ساتھ ہی حکم معطل کر دیا۔

سماعت کے دوارن جسٹس مظاہر نقوی نے کہا کہ لاہور ہائیکورٹ نے کیسے کہہ دیا کہ آئینی درخواست قابل سماعت نہیں؟

وکیل عابد زبیری نے جواب دیا کہ صوبائی حکومت سی سی پی او کو ریلیز نہیں کرنا چاہ رہی۔

عدالت نے مزید سماعت غیرمعینہ مدت تک ملتوی کر دی۔