وزیر اعلیٰ پنجاب چودھری پرویز الٰہی نے کہا ہے کہ صحافیوں کو گھر بنانے کے لئے بینک آف پنجاب سے آسان شرائط پر قرضے کی سہولت دیں گے۔

تفصیلات کے مطابق سماجی رابطے کی ویب سائٹ ٹوئٹر پر وزیر اعلیٰ پنجاب چودھری پرویز الٰہی نے اپنے ایک بیان میں کہا کہ فیصل آباد پریس کلب کے وفد کی ان سے ملاقات ہوئی ہے جس میں فیصل آباد میں صحافی کالونی کے قیام کے حوالے سے ہونے والی پیشرفت پر تبادلہ خیال کیا گیا ہے۔

فیصل آباد پریس کلب کے وفد کی ملاقات..وفد میں صدر پریس کلب شاہد علی،سینئر صحافی سید خاور عباس،سیکرٹری عزادارعابدی اور ممبر و کالم نگار رانا اقبال حسین شامل تھے.ملاقات میں فیصل آباد میں صحافی کالونی کے قیام کے حوالے سے ہونے والی پیشرفت پر تبادلہ خیال pic.twitter.com/jRsyA3TTav

Advertisement

— Ch Parvez Elahi (@ChParvezElahi) December 31, 2022

 چودھری پرویز الٰہی نے کہا کہ فیصل آباد کی پرائم لوکیشن پر 190 کنال اراضی صحافی کالونی کے لئے مختص کی گئی ہے جبکہ کابینہ صحافی کالونی کے لئے مختص اراضی پنجاب جرنلسٹ ہاؤسنگ فاؤنڈیشن کے نام ٹرانسفر کرنے اور 25 کروڑ روپے گرانٹ کی منظوری بھی دے چکی ہے۔

انہوں نے کہا کہ فیصل آباد پریس کلب کو سالانہ گرانٹ بھی دی جائے گی اور صحافیوں کو گھر بنانے کے لئے بینک آف پنجاب سے آسان شرائط پر قرضے کی سہولت بھی دیں گے۔

یہ بھی پڑھیں؛ چودھری پرویز الٰہی کی ماحول دوست ہائبرڈ بسوں کی خریداری کے عمل کو تیز کرنے کی ہدایت

 وزیر اعلیٰ پنجاب چودھری پرویز الٰہی نے مزید کہا کہ لاہور، راولپنڈی اور ملتان کے بعد فیصل آباد کے صحافیوں کیلئے اپنی چھت کا خواب پورا کر رہے ہیں۔

یہ بھی پڑھیں؛ سرمایہ کاروں کی انوسٹمنٹ کا تحفظ یقینی بنایا جائے گا، چودھری پرویز الٰہی

اس موقع پر وفد میں صدر پریس کلب شاہد علی، سینئر صحافی سید خاور عباس، سیکرٹری عزادارعابدی اور ممبر و کالم نگار رانا اقبال حسین شامل تھے۔