بلوچستان پولیس نے پی ٹی آئی رہنما سینیٹر اعظم سواتی کو اسلام آباد سے گرفتار کرلیا

محمد غضنفر

02nd Dec, 2022. 02:38 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلوچستان پولیس نے پی ٹی آئی رہنما سینیٹر اعظم سواتی کو اسلام آباد سے گرفتار کرلیا

بلوچستان پولیس نے پاکستان تحریک انصاف کے رہنماء سینیٹر اعظم سواتی کو اسلام آبادسے گرفتار کر لیا ہے ۔

بلوچستان پولیس ذرائع کے مطابق سینیٹر اعظم سواتی کو بلوچستان میں درج مقدمات کی روشنی میں گرفتار کیا گیا ہے ۔

پولیس ذرائع کا کہنا ہے کہ کچلاک پولیس تھانے میں ایف آئی آر کے اندراج کے بعد تفتیشی افسر کے سربراہی میں ٹیم اسلام آباد پہنچی تھی ۔

بلوچستان پولیس نے اعظم سواتی کو اسلام باد میں اپنے تحویل میں لیا ۔

ذرائع کا کہنا ہے کہ اعظم سواتی کو سیکیورٹی خدشات کے باعث کچلاک پولیس تھانے کے بجائے کوئٹہ کینٹ پولیس تھانہ منتقل کیا جائے گا ۔

سینیٹر اعظم خان سواتی پر بلوچستان میں 5 ایف آئی آرز کوئٹہ، لسبیلہ، خضدار، ژوب، اور گوادر میں درج کی گئیں ہیں ۔

سینیٹر اعظم سواتی پر 26 نومبر کو لسبیلہ ، خضدار اور کوئٹہ کی تحصیل کچلاک میں تین مقدمات درج کیے گئے ۔چوتھا مقدمہ 27 نومبر کو گوادر کی تحصیل پسنی میں درج ہوا جبکہ 28 نومبر کو پانچواں مقدمہ ضلع ژوب میں درج کیا گیا ۔

سینیٹر اعظم سواتی پر ایف آئی آرز میں پیکا ایکٹ سمیت 7 دفعات ہیں جن میں دفعہ 109 ، 505 ، 504 ، 501 ، 500 ، 153 اور 131 کو بھی ایف آئی آرز کا حصہ بنایا گیا ہے۔