جرات وبہادری کی لازوال داستان ؤ نشان حیدر کا اعزاز پانے والے میجر شبیر شریف کا آج 51 واں یوم شہادت منایا جارہا ہے۔

پاک فوج کے شعبہ تعلاقات عامہ (آئی ایس پی آر) کا کہنا ہے کہ میجر شہید شبیر شریف کی 51ویں برسی کی لاہور میں تقریب منعقد کی گئی ہے۔

آئی ایس پی آر کا کہنا تھا کہ یقریب کے دوران پاک فوج کے چاق و بند دستے نے سلامی پیش کی جبکہ میجرجنرل ملک امیرمحمدنےمزارپرپھولوں کی چادر چڑھائی۔

آئی ایس پی آر نے بتایا کہ تقریب میں  شہید کے لواحقین نے شرکت کی  جبکہ سول و عسکری قیادت نے بھی شرکت کو یقینی بنایا۔

خیال رہے کہ پاک فوج کےنامورسپوت اور 1971 کی جنگ میں نشان حیدر حاصل کرنے والے میجر شبیر شریف شہید کا 51  واں یوم شہادت آج عقیدت واحترام سے منایا جا رہا ہے۔

میجرشبیرشہیدوہ واحد شخصیت ہیں جنہیں نشان حیدراورستارہ جرات سے نوازا گیا۔

میجر شبیرشریف شہید 28 اپریل 1947 کو ضلع گجرات کےقصبہ کنجاہ میں پیدا ہوئے، انہوں نے 1964 میں 21 سال کی عمر میں پاک فوج میں شمولیت اختیار کی، آپ شروع ہی سے وطن عزیز پر جان قربان کرنے کا جذبہ رکھتے تھے۔

واضح رہے کہ نشان  حیدر پاکستان کا سب سے بڑا فوجی اعزاز ہے، جو اب تک پاک افواج کے گیارہ جوانوں کو مل چکا ہے۔ نشانِ حیدر حضرت علی ؓ سے موسوم ہے کیونکہ ان کا لقب حیدرکرار ہے اور ان کی بہادری ضرب المثل ہے۔ یہ نشان صرف ان جانبازوں کو دیا گیا ہے، جو وطن کے لیے انتہائی بہادری کا مظاہرہ کرتے ہوئے اپنی جان کا نذرانہ پیش کرچکے ہیں۔