پی ٹی آئی رہنما فواد چوہدری پیپلز پارٹی کی جانب سے ارکان کو 5،5 کروڑ روپے کی آفر کی گئی ہے۔

تفصیلات کے مطابق پاکستان تحریک انصاف (پی ٹی آٗئی) کے رہنما فواد چوہدری نے میڈیا سے گفتگو کرتے ہوئے کہا کہ سیاسی صورت حال خطرناک ہے، پنجاب میں صورت حال بدل رہی ہے، موجودہ حکومت انتخابات سے فرار اختیار کررہی ہے۔

انہوں نے کہا کہ گورنر نے آرٹیکل 109 کی خلاف ورزی کی ہے جبکہ اسپیکر نے گورنر کے اقدام کو غیر آئینی قرار دیا ہے۔

ان کا کہنا تھا کہ منظور وٹو کے حوالے سے ہائی کورٹ فل بینچ کا فیصلہ موجود ہے جبکہ کل پارلیمانی پارٹی کا اجلاس بھی بلا لیا ہے اور 187 ممبران کی چوہدری پرویز الٰہی کو حمایت حاصل ہے۔

یہ بھی پڑھیں؛ عدم اعتماد ناکام ہو گی اور پرویز الٰہی اسمبلی ضرور تحلیل کریں گے، فواد چوہدری

فواد چوہدری نے کہا کہ خواتین ممبران نے عمران خان کو بتایا کہ آصف زرداری کی طرف سے پیسوں کی آفر ہوئی ہے اور 5 کروڑ کی آفر کی گئی ہے۔

انہوں نے کہا کہ عدم اعتماد کی تحریک ناکام ہوگی اس کے فوری بعد پنجاب اسمبلی تحلیل کردی جائے گی اور جیسے پنجاب اسمبلی تحلیل ہوگی ساتھ ہی کے پی اسمبلی بھی تحلیل کردی جائے گی۔

یہ بھی پڑھیں؛ پی ڈی ایم پاکستان کے مفادات سے کھیلنا بند کرے، فواد چوہدری

ان کا کہنا تھا کہ اگر اسپیکر نے صدر کو خط لکھا تو صدر کی طرف سے گورنر کو ہٹایا بھی جاسکتا ہے اور دوست مزاری، رحیم یار خان کے ایک ایم پی اے نے رابطہ نہ کیا تو 63 اے کا ریفرنس بھیج دیں گے۔

ان کا یہ بھی کہنا تھا کہ پنجاب حکومت سے کہیں گے کہ آصف زرداری کے پنجاب داخلے پر پابندی لگانی چاہیئے اور صدر صاحب گورنر کو اعتماد کا ووٹ لینے کا بھی کہہ سکتے ہیں۔

یہ بھی پڑھیں؛ گورنر پنجاب کسی بھی غیر آئینی اقدام سے باز رہیں، فواد چوہدری

 پاکستان تحریک انصاف (پی ٹی آٗئی) کے رہنما فواد چوہدری نے مزید کہا کہ کل تمام ایم پی ایز گورنر ہاؤس کے باہر خود موجود ہوں گے۔