جماعت اسلامی کے سربرہ سراج الحق نے کہا ہے کہ جماعت اسلامی کا عزم پاکستانی عوام کو سلام کی تعلیمات سے آگاہ کرنا ہے۔

تفصیلات کے مطابق جماعت اسلامی کے سربرہ سراج الحق نے لاہور میں جمیعت طلبہ عربیہ پاکستان کے نئے دفتر کا افتتاح کیا ہے۔

اس موقع پر سراج الحق نے کہا کہ اسلامی جمیعت طلبہ نے کفر کے برے عزائم کو ختم کرنے میں خاطرخواہ کوشش کی ہے جبکہ سلامتی کونسل پر کفر کے سامراج کا قبضہ ہے۔

انہوں نے کہا کہ ہمارا تعلیمی نصاب بیرون ممالک سے سیلکٹ ہوتا ہے جبکہ استاد، سکول اور تنخواہیں ہمارا ملک دیتا ہے۔

یہ بھی پڑھیں؛ حکمران معاشی صورت حال کے متعلق مسلسل جھوٹ بول رہے ہیں، سراج الحق

ان کا کہنا تھا کہ ہمارے ملک کے وزیراعظم تو بیرون ممالک سے پہلے ہی سلیکٹ ہو چکے ہوتے ہیں جبکہ ہمارے ملک کی سیاسی اور معاشی تباہی کا باعث 4 سے 5 پارٹیاں ہیں۔

ان کا یہ بھی کہنا تھا کہ پی ٹی آئی اور پی ڈی ایم کی حکومتیں آئی ایم ایف کے آگے سجدہ ریز ہو جاتی ہیں اور ان کی تمام شرائط کو قبول کر لیتے ہیں جبکہ امریکہ میں ایک ایسا ادارہ ہے جو عالم اسلام پر راج کرنے کے طریقے ڈھونڈتا ہے اور پھر عالم اسلام پر مختلف طریقوں سے اپنا نظام رائج کرتا ہے۔

یہ بھی پڑھیں؛ ملک میں اس وقت سیاسی آلودگی ہے، سراج الحق

جماعت اسلامی کے سربرہ سراج الحق نے مزید کہا کہ جماعت اسلامی کا عزم پاکستانی عوام کو سلام کی تعلیمات سے آگاہ کرنا ہے۔