اسلام آباد کے دھماکے کی تحقیقات کیلئے جے آئی ٹی بنانے کا فیصلہ کرلیا گیا ہے۔

تفصیلات کے مطابق اسلام آباد خودکش دھماکے کی تحقیقات کے لیے 8 رکنی جے آئی ٹی تشکیل دے دی گئی جس میں پولیس اہلکار سمیت 2 افراد شہید اور 8 زخمی ہو ئے ۔

اسلام آباد کے دھماکے کی تحقیقات کیلئے جے آئی ٹی بنانے کا فیصلہ #Islamabad #BOLNews pic.twitter.com/L5eANf6wrI

— BOL Network (@BOLNETWORK) December 24, 2022

ڈی آئی جی نے اسلام آباد کے چیف کمشنر کو جے آئی ٹی بنانے کی سفارش کی جس کی سربراہی محکمہ انسداد دہشت گردی (سی ٹی ڈی) کے ایس ایس پی کریں گے۔

جے آئی ٹی کے دیگر ارکان میں تین ڈی ایس پیز، ایس پی انڈسٹریل ایریا، ایس ڈی پی او سبزی منڈی اور حساس اداروں کے دو افسران شامل تھے۔

یہ بھی پڑھیں: دہشتگرد پاکستان کے دشمن اور عوام کے قاتل ہیں، ارض پاک کو اس فتنے سے پاک کرکے رہینگے، وزیراعظم

اسلام آباد خودکش حملے کا مقدمہ درج

گزشتہ روز سی ٹی ڈی پولیس نے اسلام آباد بم دھماکے کی ایف آئی آر درج کی تھی۔ مقدمہ ایف آئی آر لیگل اسکواڈ کے زخمی کانسٹیبل کی شکایت پر درج کیا گیا۔

ایف آئی آر قتل، اقدام قتل اور دہشت گردی کی دفعات کے تحت درج کی گئی۔

ایف آئی آر کے مطابق جب پولیس نے ایک مشکوک کار کو چوکی پر روکا تو پچھلی سیٹ پر بیٹھے شخص نے اپنی خودکش جیکٹ کو دھماکے سے اڑا دیا جس سے پولیس اہلکار عادل حسین اور ایک اور شخص ہلاک ہو گیا۔

یہ بھی پڑھیں: پولیس بہت بڑے حادثے کو روکنے میں کامیاب ہوئی ہے، رانا ثناء اللہ

خیال رہے کہوفاقی دارالحکومت اسلام آباد کے علاقے آئی 10 میں ہونے والے مبینہ خودکش دھماکے کی پیش نظر ملک کے مختلف شہروں کی سیکیورٹی ہائی الرٹ کردی گئی ہے۔

ڈی آئی جی سہیل ظفر چٹھہ:

اس حوالے سے ڈی آئی جی سہیل ظفر چٹھہ نے کہا ہے کہ یہ خودکش دھماکہ تھا، دہشتگرد موقع پر ہلاک ہوگئے جس میں ایک پولیس اہلکار شہید اور 6 زخمی ہوئے ہیں سمیت 2 شہری زخمی ہیں۔

انہوں نے بتایا کہ گاڑی کو مشکوک سمجھ کر ایگل اسکواڈ نے تلاشی کیلئے روکا گیا تھا جبکہ گاڑی میں ایک مرد اور ایک خاتون موجود تھی۔