وزیراعظم کا مذمت

وزیراعظم شہباز شریف نے خیبر پختونخوا کے ضلع لکی مروت کے پولیس تھانہ برگئی پر دہشت گردوں کے حملے کی شدید مذمت کرتے ہوئے کہا کہ پولیس کے افسروں اور جوانوں نے دہشت گردی کے خلاف عظیم قربانیاں دی ہیں، قوم انہیں سلام پیش کرتی ہے۔

وزیراعظم نے چار شہید پولیس اہلکاروں کو خراج عقیدت اور اہل خانہ سے ہمدردی کا اظہار کرتے ہوئے کہا کہ دہشت گرد پاکستان اور عوام کے کھلے دشمن ہیں دہشت گردوں کے خلاف قوم کی ڈھال بننے والے ہمارے ہیرو ہیں۔

مزید پڑھیں: جنوبی وزیرستان میں دہشت گردوں سے مقابلے میں پاک فوج کا جوان شہید

انہوں نے کہا کہ دہشت گردوں، ان کے معاونین اور سہولت کاروں سب کا خاتمہ اولین قومی ترجیح ہے، خیبر پختونخوا حکومت شہید پولیس اہلکاروں کے اہل خانہ کو شہداء پیکج دے۔

وزیراعظم شہباز شریف نے شہداء کے درجات کی بلندی اور اہل خانہ کے لئے صبر کی دعا بھی کی۔

صدر ملکت کی مذمت

دوسری جانب صدر مملکت ڈاکٹر عارف علوی نے لکی مروت کے علاقے میں پولیس اہلکاروں پر حملے کی مذمت کرتے ہوئے کہا کہ دہشت گردی کےباقیات کی مکمل خاتمے تک ہماری کوششیں جاری رہیں گی۔

عارف علوی نے شہید ہونے والوں کے اہل خانہ سے تعزیت کا اظہار کرتے ہوئے پولیس اہلکاروں کے درجات کی بلندی اور زخمیوں کی جلد صحت یابی کے لیے دعا کی۔

آصف علی زرداری کی مذمت

اس کے علاوہ سابق صدر آصف علی زرداری نے بھی لکی مروت میں دہشتگرد حملے مذمت کی اور پولیس اہلکاروں کی شہادت پر افسوس کا اظہار کیا۔

آصف علی زرداری نے کہا کہ خیبر پختونخوا میں دہشتگردی کے واقعات میں اضافہ باعث تشویش ہے، دہشتگردوں کی سرکوبی کیلئے سخت اقدامات اٹھائے جائیں۔

سابق صدر نے شہید پولیس اہلکاروں کے لواحقین سے ہمدردی اور تعزیت کا اظہار کرتے ہوئے زخمی پولیس اہلکاروں کی جلد صحتیابی کیلئے دعا کی۔