بول نیوز کے اینکر عمران ریاض خان نے کہا ہے کہ میرا ایک اور ویزا منسوخ کردیا گیا ہے۔

سماجی رابطے کی ویب سائٹ ٹوئٹر پر اپنے جاری کردہ بیان میں عمران ریاض خان نے کہا کہ چند دن پہلے بھی میرا ایک ویزا رکوایا گیا اور آج پھر ایک لگا ہوا ویزا کینسل ہوا ہے۔

چند دن پہلے بھی میرا ایک ویزہ رکوایا گیا ہے۔ آج پھر ایک لگا ہوا ویزہ کینسل ہوا ہے۔ اسی طرح ارشد بھائی کا دبئی کا ویزہ نا صرف کینسل کروایا گیا بلکہ انہیں دوبارہ ویزہ دینے سے بھی روکا گیا۔ وہی کھیل وہی کھلاڑی اور وہی مونس جیسے مہرے

— Imran Khan (@ImranRiazKhan) December 7, 2022

بول نیوز کے اینکر نے مزید کہا کہ اسی طرح ارشد بھائی کا دبئی کا ویزا نہ صرف کینسل کروایا گیا بلکہ انہیں دوبارہ ویزا دینے سے بھی روکا گیا۔

عمران ریاض خان نے اپنے ٹوئٹر پر مزید کہا کہ بول چینل پر مسلسل دباؤ ہے کچھ لوگوں کو چینل سے نکالنے کا، بول ڈٹا ہوا ہے، شائد بند بھی ہو جائے۔

ارشد شریف قتل کیس، فیکٹ فائنڈنگ کمیٹی کی رپورٹ میں تہلکہ خیز انکشافات

اس سے قبل فیکٹ فائنڈنگ کمیٹی کی رپورٹ میں بتایا گیا کہ ارشد شریف کو 20جون 2022 کو یواے ای ویزے کا اجرا ہوا، ویزا 18اگست 2022تک کیلئے تھا، ارشد شریف کینیا گئے تو ان کے ویزے میں 20دن باقی تھے،انہوں نے نئے ویزے کیلئے 12اکتوبر2022کو دوبارہ رجوع کیا، ان کی درخواست کو رد کردیا گیا۔

رپورٹ میں فائر کی جانے والی گولیوں کی ٹریجکٹری کو بھی بیان کیا گیا ہے، ارشد شریف کے سینے میں لگنے والی گولی ٹریجکٹری فائرنگ پیٹرن سے نہیں ملتی، ان کو ایک گولی کمر کے اوپری حصے میں لگی، گولی گردن سے تقریباً 6سے 8 انچ نیچے لگی جو سینے کی جانب سے باہر نکلی، اس زخم سے یہ اخذ کرنا مشکل نہیں کہ گولی قریب  سے چلائی گئی، جس زاویے سے گولی چلی اس کے نتیجے گاڑی کی سیٹ میں بھی سوراخ ہونا چاہیے تھا۔

فیکٹ فائنڈنگ کمیٹی کی رپورٹ میں انکشاف کیا ہے کہ ارشد شریف کو ایک منصوبہ بندی کے تحت قتل کیا گیا اور کینیا پولیس نے تحقیقات میں کوئی معاونت نہیں کی، کیس میں کئی غیرملکی کرداروں کا کردار اہمیت کا حامل ہے۔

فیکٹ فائنڈنگ کمیٹی کی رپورٹ