وزیر اعظم شہباز شریف کی پاکستان مسلم لیگ (ق) کے صدر چوہدری شجاعت حسین سے ملاقات ہوئی ہے۔

تفصیلات کے مطابق وزیر اعظم شہباز شریف کی پاکستان مسلم لیگ (ق) کے صدر چوہدری شجاعت حسین کی لاہور میں رہائش گاہ پر ان سے ملاقات ہوئی ہے۔

 ملاقات میں وزیراعظم نے چوہدری شجاعت حسین کی خیریت دریافت کی اور ان کو کو پھولوں کا گلدستہ بھی پیش کیا۔

اس موقع پر وزیراعظم شہباز شریف اور چوہدری شجاعت حسین نے سیاسی صورتحال پر تبادلہ بھی خیال کیا۔

یہ بھی پڑھیں؛ شہباز شریف کی چوہدری شجاعت حسین سے ملاقات

 وزیراعظم شہباز شریف نے معیشت کی بحالی اور عوام کے ریلیف کے حوالے سے کوششوں پر چوہدری شجاعت کو آگاہ کیا جبکہ چوہدری شجاعت نے ملک اور عوام کو مسائل سے نکالنے کے لئے وزیراعظم کی مخلصانہ کوششوں کو سراہا۔

اس موقع پر دونوں قائدین نے باہمی تعاون اور اشتراک عمل مزید بہتر اور مظبوط بنانے پر اتفاق کیا اور کہا کہ سیاسی استحکام اور قریبی تعاون ملک کو درپیش مسائل سے نکالنے کے لئے ضروری ہے۔

ملاقات میں وفاقی وزرا طارق بشیر چیمہ، چوہدری سالک حسین، وزیراعظم کے معاون خصوصی ملک محمد احمد خان بھی موجود تھے۔