انصاف کی راہ میں آنے والی رکاوٹوں کو دور کرنا ہوگا، مرتضیٰ وہاب

ویب ڈیسک

15th Dec, 2022. 08:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انصاف کی راہ میں آنے والی رکاوٹوں کو دور کرنا ہوگا، مرتضیٰ وہاب

بیرسٹر مرتضیٰ وہاب نے کہا ہے کہ انصاف کی راہ میں آنے والی رکاوٹوں کو دور کرنا ہوگا۔

تفصیلات کے مطابق سندھ بارکونسل میں بیرسٹر مرتضیٰ وہاب نے خطاب کرتے ہوئے کہا کہ وکلا سے 1967 سے پیپلزپارٹی کا رشتہ ہے۔

انہوں نے کہا کہ وکلا نے گرانٹ کی اپیل کی تھی جبکہ ہم نے کہا تھا کہ گرانٹ توملتی رہتی ہے لیکن ہیلتھ انشورنس دیں گے۔

ان کا کہنا تھا کہ وزیر اعلیٰ سندھ نے ہیلتھ انشورنس کا اعلان کیا تھا، میں آج امانت چیک وکیل رہنماؤں کو دے رہا ہوں، انشورنس سے وکلا اپنا علاج معالجہ کراسکیں گے۔

بیرسٹر مرتضیٰ وہاب نے کہا کہ وکلا نے ہائیکورٹ میں پارکنگ کے مسائل کا کہا تو ہم نے پارکنگ حل کیا جبکہ وکلا کے جو جو مسائل ہوں گے پیپلزپارٹی وہ مسائل حل کرکے دے گی۔

انہوں نے کہا کہ ہم چاہتے ہیں کہ حقیقی جمہوریت کی جنگ جس کا آغاز ذوالفقار علی بھٹو نے کیا تھا، اب وقت ہے آئین کی سربلندی کے لیے جدوجہد کریں۔

ان کا کہنا تھا کہ آئین جو حقوق فراہم کرتا ہے وہی حقوق سب کو ملیں اور ہم سائلین کے مسائل بھی حل کریں جبکہ سائلین کے مسائل حل کرنے سے انصاف کا بول بالا بھی ہوگا۔

بیرسٹر مرتضیٰ وہاب نے مزید کہا کہ ہم سب کو انصاف کی راہ کی رکاوٹوں کو دور کرنا ہوگا۔