عبوری حکومت مسئلے کا حل نہیں لیکن موجودہ حکومت سے بہتر ہوگی، حماد اظہر

ویب ڈیسک

13th Dec, 2022. 09:52 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عبوری حکومت مسئلے کا حل نہیں لیکن موجودہ حکومت سے بہتر ہوگی، حماد اظہر

پی ٹی آئی کے سینئر رہنما حماد اظہر نے کہا ہے کہ موجودہ صورتحال میں عبوری حکومت مسئلے کا حل نہیں ہوگی لیکن اس حکومت سے بہتر ہوگی۔

تفصیلات کے مطابق دنیا بول سے گفتگو کرتے ہوئے اپنے ایک بیان میں پاکستان تحریک انصاف کے رہنما نے کہا ہے کہ مارچ تک ملک کے دیوالیہ کے خطرات نہیں تھے لیکن نئی حکومت کے بعد سیاسی عدم استحکام آیا اور آئی ایم ایف کے پروگرام کو ڈی ریل کیا گیا۔

انہوں نے بتایا کہ عبوری حکومت مسئلے کاحل نہیں ہوگی لیکن ان سے بہتر ہوگی اس حکومت کے پاس کوئی معاشی ماہر نہیں ہے ۔

انہوں نے کہا کہ ملک اس وقت سنگین بحران سے دوچار ہے لیکن ہمارا ون پوائنٹ ایجنڈاہے کہ ملک کوسیاسی و معاشی طورپرمستحکم کرنا ہے اور آنے کے ساتھ ہی ہم نے 3 ایمرجنسی لگانی ہیں جس میں ایکسپورٹ،اخراجات اور توانائی پر ایمرجنسی شامل ہے۔

حماد اظہر کا کہنا تھا کہ ایکسپورٹ کو فوری طور پر بحال کیا جائے گا، غیر ضروری اخراجات کو ختم کیا جائے گا اور توانائی کے منصوبوں کو فاسٹ ٹریک پر لیکر جایا جائے گا۔

ان کا کہنا تھا کہ 6 ماہ کے اندر ہنگامی بنیادوں پر فیصلہ سازی کرنا پڑیگی اور 6 ماہ کے فیصلوں پر ہماری ٹیم کام کررہی ہے۔