صدر آزاد کشمیر کا خطے میں انسانی حقوق کی وزارت قائم کرنے کا اعلان

ویب ڈیسک

11th Dec, 2022. 06:10 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدر آزاد کشمیر کا خطے میں انسانی حقوق کی وزارت قائم کرنے کا اعلان

صدر آزاد کشمیر بیرسٹر سلطان محمود نے خطے میں انسانی حقوق کی وزارت قائم کرنے کا اعلان کیا ہے۔

تفصیلات کے مطابق صدر آزاد کشمیر بیرسٹر سلطان محمود نے کشمیر سیمینار سے خطاب کرتے ہوئے کہا کہ انسانی حقوق کی عالمی تنظیمیں کشمیر پر انسانی حقوق کی خلاف ورزیوں پر کیوں خاموش ہیں؟

صدر آزاد کشمیر نے کہا کہ مقبوضہ کشمیر کی صورتحال پر اقوام متحدہ انسانی حقوق کمیشن کی متعدد رپورٹس آگئیں، اب وقت آگیا ہے کہ ان رپورٹس پر عملدرآمد کیا جائے۔

بیرسٹر سلطان محمود نے کہا کہ بھارت مقبوضہ کشمیر میں آبادی کا تناسب تبدیل کر رہا ہے، بھارت چاہتا ہے کہ کسی ہندو کو وزیر اعلیٰ بنا کر کشمیر ہڑپ کر لے۔

ان کا کہنا تھا کہ میں نے امریکہ پورپ اور دیگر ممالک میں کشمیر کاز اجاگر کیا، میں آئندہ او آئی سی سیکرٹری جنرل کے سامنے کشمیر کی موجودہ صورتحال رکھوں گا اور میں آزاد کشمیر میں انسانی حقوق کی وزارت قائم کرنے کا اعلان بھی کرتا ہو، وزارت انسانی حقوق مقبوضہ کشمیر میں انسانی حقوق کی خلاف ورزیوں کو اجاگر کرے گی۔