وزیر صحت سندھ عذرا پیچوہو نے کہا ہے کہ کورونا وائرس کا نیا ویریئنٹ زیادہ خطرناک نہیں ہوگا۔

صوبائی وزیر صحت ڈاکٹر عذرا پیچوہو نے کراچی میں پریس کانفرنس کرتے ہوئے کہا کہ کورونا کی  نئی لہر کم خطرناک ہوسکتی ہے، ہمیں امید ہے یہ زیادہ خطرناک نہیں ہوگی۔

انہوں نے کہا کہ اس حوالے سے ہمیں محتاط ہونا ہے، ہمیں آئسولیشن سینٹر بھی کھولنے پڑیں گے، لوگوں کو ابھی بھی ماسک پہننا ضروری ہے۔

سب سے زیادہ ویکسینیشن کراچی اور حیدرآباد میں کی گئی ہیں

عذرا پیچوہو نے کہا کہ ہمارے پاس ڈسٹرکٹ ہیلتھ انفارمیشن سسٹم ہے، ہم ٹیچنگ اسپتال کا بھی ڈیٹا جمع کریں گے، ہم نے ایک لاکھ ملین سے پی سی آر کیے تھے۔

انکا کہنا ہے کہ ہمارے پاس کورونا میں 582 اموات ہوئی تھیں، 34 ملین سے زائد ویکسین ہوئے ہیں، ہم نے حیدرآباد اور کراچی میں زیادہ کیا ہے، بچوں کو بھی ڈوزذ لگائی گئیں، 76 فیصد 5 سے 11 سال کے بچوں کو لگائی گئی ہے۔

ابھی ہمارے پاس پولیو نہیں ہے

صوبائی وزیر نے کہا کہ ابھی ہمارے پاس پولیو نہیں ہے، دو سال سے ہمارے کسی بچے میں نہیں ہوا۔ 32 بیماریاں ہیں جس کے لیے سویلنس کرتے ہیں، 5 ہزار ہیلتھ کیئر ورکز کو ٹرینڈ کیا ہے۔

عذرا پیچوہو نے کہا کہ کیو آر کوڈ کے ذریعے بچوں کو حفاظتی ٹیکے لگائیں گے، 2023 میں 85 فیصد تک ہم پہنچ جائیں گے، یہ ہمارے ٹارگٹ رکھے گئے ہیں۔

وزیر صحت سندھ کا کہنا ہے کہ ہم نے تمام اضلاع میں کوڈ چینج ڈال دی ہے، ٹیکے لگانے ہر والدین پر فرض ہوگا کہ وہ ٹیکے لگوائیں، اسکے لیے قانون سازی کرنے جارہے ہیں۔

ہیپاٹائٹس سی کی ویکسین نہیں ہے

انہوں نے کہا کہ ہیپاٹائٹس کے لیے 63 سائٹس کھولی ہیں، ہمارے پاس 5 ہزار کے ہیپاٹائٹس بی کے کیسز ہیں اور ہیپاٹائٹس سی کے 20 ہزار تک ہیں۔

صوبائی وزیر نے کہا کہ ہیپاٹائٹس سی کی ویکسین نہیں ہے، ہیپاٹائٹس کی تعداد 9 سو تک ہے، ہم ویکسین کررہے ہیں، 20 ہزار سے زائد لوگوں کی ویکسین کی گئی ہے۔

ڈاکٹر عذرا پیچوہو نے مزید کہا کہ ہم ہیپاٹائٹس سی کے لیے ڈیٹا جمع کررہے ہیں، یہ پائلٹ پروجیکٹ ہے، جو منفی ہیں اور دوسرے ہیں، ان کو بھی ٹریٹمنٹ دے رہے ہیں، یہ پروجیکٹ تین چار ماہ میں ختم ہو جائے گا۔