عوامی مسلم لیگ کے سربراہ شیخ رشید کا کہنا ہے کہ 13 پارٹیاں عمران خان کو معاشی تباہی میں شریک کرنا چاہتی ہیں۔

سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں شیخ رشید نے کہا کہ 13پارٹیاں اور اُنکے ہم نوا عمران خان کو زبردستی دھمکی سے اسمبلی بلا کر معاشی تباہی میں شریک کرنا چاہتے ہیں۔

13پارٹیاں اوراُنکےہم نواعمران خان کوزبردستی دھمکی سےاسمبلی بلاکرمعاشی تباہی میں شریک کرناچاہتےہیں مشرق اورمغرب دونوں طرف سرحدوں پرحالات خراب ہورہےہیں جوغیرملکی سازش کےذریعےہم پرفیصلےمسلط کرناچاہتےہیں کشتی ڈوب رہی ہوتواسٹیبلشمنٹ خاموش نہیں رہ سکتی کیرٹیکرپرسوچوبچارشروع ہوگئی ہے

— Sheikh Rashid Ahmed (@ShkhRasheed) December 28, 2022

کشتی ڈوب رہی ہو تو اسٹیبلشمنٹ خاموش نہیں رہ سکتی

سابق وزیر داخلہ نے کہا کہ مشرق اور مغرب دونوں طرف سرحدوں پر حالات خراب ہورہے ہیں، جو غیر ملکی سازش کے ذریعے ہم پر فیصلے مسلط کرنا چاہتے ہیں۔

شیخ رشید نے کہا کہ کشتی ڈوب رہی ہو تو اسٹیبلشمنٹ خاموش نہیں رہ سکتی کیرٹیکر پر سوچو بچار شروع ہوگئی ہے۔

22کروڑ کا ملک چلانے کیلئے خزانے میں 20دن کے زرمبادلہ کے پیسے نہیں

انکا کہنا ہے کہ سنگین معاشی حالات قومی سلامتی کا مسئلہ بن گئے ہیں، 260 کا ڈالر اور 150 کلو کا آٹا غریب کدھر جائے گا۔

سابق وفاقی وزیر نے کہا کہ 22 کروڑ کا ملک چلانے کے لیے خزانے میں 20دن کے زرمبادلہ کے پیسے نہیں۔ جس ملک میں ٹریول ایڈوائزری جاری ہوجائے وہاں سرمایہ کاری خاک ہوگی۔

پی ٹی آئی رہنما شیخ رشید نے مزید کہا کہ بے نظیر کی برسی پر بلاول کی تقریر عمران خان سے شروع اور عمران خان پر ختم ہوئی۔

ملک ٹیکنیکلی ڈیفالٹ ہوچکا ہے

گزشتہ روز شیخ رشید نے اپنے ایک بیان میں کہا تھا کہ آئی ایم ایف کے ساتھ ڈیڈ لاک ہوگیا ہے، ڈالر انٹر بینک اور کرنسی مارکیٹ میں 30 روپے کا فرق ہے، ریزرو 5 ارب ڈالر سے کچھ زیادہ رہ گئے ہیں۔

سابق وزیر داخلہ نے کہا کہ آٹے کا قحط گیس کے بعد بجلی کی لوڈشیڈنگ ہے، غیر ملکی سفارت خانوں نے اپنے عملے کو اسلام آباد میں محتاط رہنے کا کہہ دیا ہے۔

سابق وفاقی وزیر نے کہا کہ ملک ٹیکنیکلی ڈیفالٹ ہوچکا ہے، عوام کا نام ہی ریاست ہے، عوام تباہی اور بربادی کے دہانے پر پہنچ گئے ہیں۔

پی ٹی آئی رہنما شیخ رشید نے مزید کہا کہ اسٹیبلشمنٹ اور عوام کا چولی دامن کا ساتھ ہے، اب خاموش تماشائی نہیں رہا جا سکتا۔