عوامی مسلم لیگ کے سربراہ شیخ رشید کا کہنا ہے کہ حکومت توشہ خانہ کیس سے بھاگ گئی ہے۔

سماجی رابطے کی ویب سائٹ ٹوئٹر پر اپنے جاری کردہ بیان میں شیخ رشید نے کہا کہ 6ارب سے کچھ زائد زرمبادل آئی ایم ایف کی چھتری بھی نہیں، دہشت گردی کی لہر، آٹے کے ڈبل ریٹ پر بھی سناٹا، اللہ رحم کرے۔

ہائی کورٹ نےجب سےتوشہ خانہ کی تفصیلات مانگی ہیں حکومت توشہ خانہ کیس سےبھاگ گئی۔سیاست معیشت دونوں تباہ ہیں۔الیکشن اپریل مئی میں نہ ہوئےتوحالات مزیدخراب ہوجائیں گے۔سارےہتھکنڈےعمران خان کا راستہ روکنےکے لیےہیں غریب پرسخت سردی میں لنڈابازار کےدروازے بند اور کفن دفن کےپیسےبھی نہیں ہیں

— Sheikh Rashid Ahmed (@ShkhRasheed) December 26, 2022

حکمران آنکھ مچولی کھیل رہے ہیں

انہوں نے کہا کہ دوائیوں کی قلت، خام مال نایاب، ٹیکسٹائل بند، کیا یہ ہے تبدیلی؟، اسلام آباد بلدیہ سے بھاگنے والے ملک میں خاک الیکشن کروائیں گے۔

مزید پڑھیں؛ توشہ خانہ کے تحائف کے معاملے پر پی ٹی آئی رہنماؤں کا ردعمل 

شیخ رشید نے کہا کہ جوان دفاع وطن پر جانیں نچھاور کررہے ہیں اور حکمران آنکھ مچولی کھیل رہے ہیں، ہائی کورٹ نے جب سے توشہ خانہ کی تفصیلات مانگی ہیں، حکومت توشہ خانہ کیس سے بھاگ گئی۔

سیاست معیشت دونوں تباہ ہیں

سابق وفاقی وزیر نے کہا کہ سیاست معیشت دونوں تباہ ہیں، الیکشن اپریل مئی میں نہ ہوئے تو حالات مزید خراب ہوجائیں گے۔

پی ٹی آئی رہنما شیخ رشید نے مزید کہا کہ سارے ہتھکنڈے عمران خان کا راستہ روکنے کے لیے ہیں، غریب پر سخت سردی میں لنڈا بازار کے دروازے بند اور کفن دفن کے پیسے بھی نہیں ہیں۔

توشہ خانے کے تحائف کی تفصیلات طلب

خیال رہے کہ لاہور ہائی کورٹ نے وفاقی حکومت سے توشہ خانے سے دیے جانے والے تحائف کی تفصیلات طلب کر لیں۔

لاہور ہائی کورٹ نے وفاق کو 16جنوری تک تفصیلات فراہم کرنے کا حکم دے دیا۔

یہ بھی پڑھیں: عمران خان نے توشہ خانہ تحائف فروخت کر کے کرپشن کی، عطا تارڑ کا الزام

اسسٹنٹ اٹارنی جنرل نے عدالت کو بتایا کہ توشہ خانہ کی معلومات خفیہ ہیں سامنے نہیں لائی جاسکتیں۔

جسٹس عاصم حفیظ نے کہا کہ جو تحائف دے دیے گئے وہ خفیہ کیسے ہو گئے، تفصیلات خفیہ ہونے یا نہ ہونے کا تعین عدالت کرے گی۔ اگر تو وفاقی حکومت ان تحائف کو اپنے پاس رکھتی تو معاملہ خفیہ سمجھا جاتا۔

درخواست گزار کے وکیل اظہر صدیق کا کہنا ہے کہ عدالت نے واضع ریمارکس دیے کہ ٹیکس گوشواروں میں ظاہر تحائف  خفیہ کیسے ہوسکتے ہیں۔

 لاہور ہائیکورٹ نے کیس کی سماعت 16 جنوری تک ملتوی کردی ہے۔