امیر جماعت اسلامی کراچی حافظ نعیم  الرحمان نے کہا ہے کہ ایک پارٹی کا ایڈمینسٹریٹر ہٹاکر دوسرے پارٹی کا لگایا جارہا ہے لیکن بلدیاتی الیکشن کو روکنے کے لیے کسی سازش کو کامیاب نہیں ہونے دیں گے ۔

پریس کانفرنس کرتے ہوئے حافظ نعیم  الرحمان کا کہنا تھا کہ 2009 سے 2015 تک بلدیاتی ابتخابات نہیں کرا یا گیا تھا  اور ایم کیو ایم اس وقت پی پی کی اتحادی تھی، اب بھی یہ چارہے ہیں کہ پی پی جو لوٹ رہی ہے اس میں سے اس کو بھی کچھ مل جاۓ ۔

انہوں نے کہا کہ کراچی کے ساتھ ذیادتی کی جارہی ہے، یہاں کی عوام کے لیے کوٸی نہیں سوچتا ہے لیکن جماعت اسلامی اب گنتی پر بھی نظر دے گی  کیونکہمردم شماری کے نام پر دھوکہ دہی نہیں ہونی چاہیے ۔

انہوں نے مزید کہا کہ وڈیرے حکمرانی کرنے کے لئے مردم شماری نہیں چاہتے  اور ڈجیٹل کے نام پر مردم شماری میں تاخیر قبول نہیں  ہے۔

حافظ نعیم الرحمان نے کہا کہ کوئی کراچی کا شہری کوئی غیر ملک بھی رہتا ہے تو اس کو بھی شمار کیا جائے  اور امبیسڈر کو بھی کاونٹ کیا جاۓ۔

انہوں نے کہا کہ کل چیف الیکشن کمیشن نے مردم شماری کے بارے میں بات کی، اس میں کراچی کی گنتی مردم شماری میں کم کی گٸی ہے اور اس کا ثبوت بین اللاقوامی سطح کی رپورٹس ہیں۔

انہوں نے مزید کہا کہ ہماری فوج آٸین کے خلاف پابند ہے، الیکشن کمیشن آٸین کا استعمال کریں اور الیکشن ڈے پر ہر پولنگ اسٹیشن پر فوج کو تعینات ہونا چاہیے ۔

ان کا کہنا تھا کہ اس وقت پورے سندھ میں آوارہ کتوں کا راج ہے جس کے دو لاکھ کیسز ابھی کتوں کے کاٹنے سے سندھ میں آۓ ہیں لیکن اس کے خلاف کوئی مہم نہیں چل رہی اور نہ اس کے علاج کی بنیادی سہولت موجود ہے۔

انہوں نے کہا کہ پی پی انسانیت کے حقوق کا استحصال کررہی ہے اور مردم شماری میں غلط گنتی سے دیہی اور شہری دنوں عوام کا استحصال کیا جارہا ہے ۔