وزیراعلیٰ سندھ سید مراد علی شاہ نے کہا ہے کہ یہ وقت اتحاد کا ہے اور اتحاد سے ہی ملک کو بحرانوں سے نکال سکتے ہیں۔

وزیراعلیٰ مراد علی شاہ نے قائدِ اعظم محمدعلی جناح  کا 147 واں یوم پیدائش کے موقع پر مزار قائد پر حاضری دی اور کہا کہ قائد اعظم محمد علی جناح جیسے عظیم رہنما صدیوں میں پیدا ہوتے ہیں۔

وزیراعلیٰ سندھ کے مزار پر پہنچنے پر چیف سیکریٹری، آئی جی پولیس، کمشنر کراچی اور دیگر نے استقبال کیا اور وزیراعلیٰ نے گورنر کامران تسوری کے پہنچنے پر ان کا استقبال کیا۔

یہ بھی پڑھیں: قائد اعظم کا 147 واں یوم پیدائش، مزار پر گارڈز تبدیلی کی پروقار تقریب

اس موقع پر وزیراعلیٰ سندھ مراد علی شاہ نے مزار پر پھولوں کی چادر چڑھائی اور دعا کی جبکہ وزیراعلیٰ کے ساتھ صوبائی وزراء، شرجیل میمن اور مکیش کمار چاولہ بھی موجود ہیں۔

وزیراعلیٰ سندھ کی میڈیا سے بات چیت

دوسری جانب وزیراعلیٰ سندھ سید مراد علی شاہ نے مزار قائد پر میڈیا سے گفتگو کرتے ہوئے کہا کہ آج قائد اعظم محمد علی جناح کا جنم دن ہے ان کو خراج عقیدت پیش کرنے آئے ہیں، یہ وقت اتحاد کا ہے، اور اتحاد سے ہی ملک کو بحرانوں سے نکال سکتے ہیں۔

انہوں نے کہا کہ آج کے دن ہمیں کشمیر کی مظلوم عوام کو بھی یاد کرنا چاہیے، ہم کشمیری عوام کے ساتھ ہیں۔

مزید پڑھیں: بابائے قوم قائداعظمؒ کا 147واں یوم پیدائش آج منایا جارہا ہے

مراد علی شاہ نے بنوں اور اسلام آباد میں دہشت گردی کے واقعات کی مذمت کرتے ہوئے کہا کہ اب ایک نئی دہشت گردی کی لہر آئی ہے۔ ہم سیلاب متاثرین کی تکلیف اور انکے مسائل سے آگاہ ہیں۔

وزیراعلیٰ سندھ کی قائداعظم کے خاندان سے ملاقات

علاوہ ازیں وزیراعلیٰ سندھ اور گورنر نے قائداعظم محمد علی جناح کے خاندان سے ملاقات کی۔

ترجمان وزیراعلیٰ سندھ نے بتایا کہ قائد اعظم کی فیملی اس موقع پر مزار پر موجود تھی۔

وزیراعلیٰ سندھ مراد علی شاہ نے قائداعظم کی فیملی کیلئے نیک خواہشات کا اظہار کیا۔