سانحہ آرمی پبلک اسکول پشاور کو 8 سال بیت گئے مگر اپنے خون سے علم کے دیئے جلانے والے دلوں میں وہ سارے معصوم شہید آج بھی زندہ ہیں۔

2014 میں آج ہی کے دن چھ دہشت گردوں نے آرمی پبلک اسکول پشاور پر حملہ کر کے اسکول کے ایک سو سینتالیس معصوم طلباء اور اساتذہ کو شہید کر دیا تھا۔

سانحہ آرمی پبلک اسکول پشاور کے آٹھ سال مکمل

Advertisement

مگر زخم دلوں میں آج بھی تازہ ہیں#ایک_اور_16دسمبر #APS pic.twitter.com/qPrwGmQJa0

— BOL Network (@BOLNETWORK) December 16, 2022

 اس سانحے پر قوم کے زخم آج بھی تازہ ہیں، شہداء کے لواحقین آج بھی غم سے نڈھال ہیں، مگر حوصلے جوان ہیں۔

پس منظر:

سانحہ اے پی ایس کا دلخراش واقعہ 16 دسمبر 2014 کو پیش آیا جب صبح طلباء علم کے حصول کے لیے گھر سے اسکول گئے تھے، وہ ابھی اسکول میں علم کی شمع سے روشناس ہورہے تھے کہ 10 بجے کے درمیان 7 دہشت گرد اسکول کے اندر داخل ہوئے اور معصوم طلباء سمیت پرنسپل اور دیگر افراد کو بے رحمی سے شہید کیا۔

یہ وہ دن تھا جس کا سورج حسین تمناؤں اور دلفریب ارمانوں کے سنگ طلوع ہوا مگر غروب 132 معصوم و بے قصور بچوں کے لہو کے ساتھ ہوا تاہم یہ وہ سانحہ تھا جس نے ہر محب وطن پاکستانی کو دلگیر و اشکبار کیا۔

یہ بھی پڑھیں: اے پی ایس حملے میں بچ جانے والے احمد نواز آکسفورڈ یونین کے صدر بن گئے

16 دسمبر 2014 کو  اے پی ایس پشاور لہو لہو ہوا تو ملت پاکستان نے بھی رب ذوالجلال کو گواہ بنا کر یہ عہد کر لیا کہ جب تک عرض پاک سے آخری دہشت گرد کا خاتمہ نہ ہو جائے حق و باطل اور بقا و فنا کی یہ جنگ جاری رہے گی۔

16 دسمبر دہشت گردی کے خلاف پورے پاکستان کے ایک آواز ہونے کا دن ہے، وزیراعظم

اس موقع پر وزیراعظم شہباز شریف کی جانب سے بھی پیغام جاری کیا گیا ہے۔

انہوں نے اپنے پیغام میں کہا کہ ہر سال 16 دسمبر کا دن پوری قوم کو اس کرب اوردکھ کی یاد دلاتا ہے جب دہشتگردوں نے اے پی ایس پشاور میں ظلم کی داستان رقم کی. برسوں بعد بھی غم ہے کہ بھلایا نہیں جاتا۔

16 دسمبر دہشت گردی کے خلاف پورے پاکستان کے ایک آواز ہونے کا دن ہے۔ یہ دن پوری دنیا کے لئے پیغام ہے کہ پاکستان نے دہشت گردی کے خاتمے کے لئے عظیم قربانیاں دی ہیں۔ ہماری یہ جدوجہد جاری ہے جو اس عفریت کے مکمل خاتمے تک اسی آہنی ارادے اور ثابت قدمی سے جاری رہے گی۔

— Shehbaz Sharif (@CMShehbaz) December 16, 2022

انہوں نے کہا کہ آج سانحہ APS کے شہداء سےعقیدت اور ان کے لواحقین کا غم بانٹنےکا دن ہے. پاکستانی قوم اپنےشہیدوں کی قربانیاں کبھی فراموش نہیں کرے گی۔

انہوں نے مزید کہا کہ 16 دسمبر دہشت گردی کے خلاف پورے پاکستان کے ایک آواز ہونے کا دن ہے۔ یہ دن پوری دنیا کے لئے پیغام ہے کہ پاکستان نے دہشت گردی کے خاتمے کے لئے عظیم قربانیاں دی ہیں۔

وزیراعظم نے کہا کہ ہماری یہ جدوجہد جاری ہے جو اس عفریت کے مکمل خاتمے تک اسی آہنی ارادے اور ثابت قدمی سے جاری رہے گی۔