امریکی سینٹرل کمانڈ کے سربراہ جنرل مائیکل ایرک کوریلا نے یادگار شہداء پر حاضری دی اور پھولوں کی چادر چڑھائی۔

پاک فوج کے شعبہ تعلقات عامہ (آئی ایس پی آر) کے مطابق امریکی سینٹرل کمانڈ کے سربراہ جنرل مائیکل ایرک کوریلا نے آج جی ایچ کیو کا دورہ کیا، اور آرمی چیف جنرل عاصم منیر سے ملاقات کی۔

امریکی سینٹرل کمانڈ کے سربراہ جنرل ایرک کی جی ایچ کیو آمد
پاک فوج کے دستے نے معزز مہمان کو گارڈ آف آنر پیش کیا، آئی ایس پی آر #ISPR pic.twitter.com/IFSUnYY0P9

Advertisement

— BOL Network (@BOLNETWORK) December 15, 2022

آئی ایس پی آر کے مطابق ملاقات میں باہمی دلچسپی، علاقائی سلامتی اور سکیورٹی صورتحال پر تبادلہ خیال کیا گیا۔

پاک فوج کے شعبہ تعلقات عامہ کا کہنا تھا کہ امریکی کمانڈر نے جی ایچ کیو میں یادگار شہداء پر حاضری دی اور پھول چڑھائے۔

یہ بھی پڑھیں: بھارت کبھی اپنے مذموم مقاصد میں کامیاب نہیں ہو گا، آرمی چیف

آئی ایس پی آر نے مزید بتایا کہ پاک فوج کے چاق و چوبند دستے نے معزز مہمان کو گارڈ آف آنر پیش کیا۔

ڈی جی آئی ایس پی آر سمیت 12 میجر جنرلز کی لیفٹیننٹ جنرل کے عہدے پر ترقی

دو روز قبل ڈی جی آئی ایس پی آر میجر جنرل بابر افتخار سمیت 12 میجر جنرلز کو لیفٹیننٹ جنرل کے عہدے پر ترقی دے دی گئی۔

پاک فوج کے شعبہ تعلقات عامہ (آئی ایس پی آر) کے مطابق پاک فوج کے 12 میجر جنرلز کو لیفٹیننٹ جنرل کے عہدے پر ترقی دے دی گئی، ترقی پانے والوں میں ڈی جی آئی ایس پی آر میجر جنرل بابرافتخار بھی شامل ہیں، جنہیں لیفٹیننٹ جنرل کے عہدے پر ترقی دی گئی ہے۔

یہ بھی پڑھیں؛ آرمی چیف کی مزار قائد پر حاضری، کور ہیڈکوارٹر کا دورہ

لیفٹیننٹ جنرل کے عہدے پر ترقی پانے والوں میں میجر جنرل انعام حیدر ملک، میجر جنرل فیاض حسین شاہ اور میجر جنرل نعمان زکریا شامل ہیں۔

ترجمان پاک فوج کا کہنا تھا کہ میجرجنرل محمد ظفر اقبال، میجرجنرل ایمن بلال صفدر ، میجر جنرل احسن گلریز، میجر جنرل سید عامر رضا کو بھی لیفٹیننٹ جنرل کے عہدے پر ترقی دی گئی ہے۔

آئی ایس پی آر نے مزید بتایا کہ میجر جنرل شاہد امتیاز، میجر جنرل منیر افسر، میجر جنرل یوسف جمال اور میجر جنرل کاشف نذیر لیفٹیننٹ جنرل کے عہدے پر ترقی پانے والوں میں شامل ہیں۔