صوبائی وزیر تیمور سکلیم جھگڑا نے کہا ہے کہ اگر الیکشن نہ ہوئے تو شاید وہ کچھ ہو جائے جس کو ملک برداشت نہیں کر پائے ۔

تفصیلات کے مطابق لاہور میں پریس کانفرنس سے خطاب کرتے ہوئے صوبائی وزیر نے کہا کہ ملک کے موجودہ حالات کی پیش نظر مسائل کا اگر الیکشن کے علاوہ کوئی اور حل موجود ہے تو ہمیں اس کا راستہ دیکھایا جائے  کیونکہ ملک کی اکانومی کو پہلے ہی برے حالات کا شکار ہے۔

انہوں نے کہا کہ رواں سال پاکستان سیلابی صورتحال کا شکار ہوا جس میں حکومت کی جانب سے ہمیں کسی قسم کی کوئی مدد فراہم نہیں کی گئی اور اس سیلابی صورتحال کی وجہ سے جو چھوٹے صوبے ہیں انہیں شدید مشکلات کا سامنا ہے .

انہوں نے مزید کہا کہیہ پہلی ایسی حکومت ہے جس سے ہر صوبے کو شکایات ہیں اور اگر ایسی صورتحال میں فوری اقدامات نہیں کیےگئے تو ملک نقصان برداشت نہیں کرپائےگا۔

تیمور سلیم جھگڑا کا کہنا تھا کہ  اس وقت ملک کے ساتھ وہ ہورہا ہے جو ہونا نہیں چاہیے اور الیکشن ہی اس کا واحد حل ہے۔

اس سے قبل پنجاب حکومت کی ترجمان مسرت جمشید چیمہ کا کہنا تھا کہ ہم حکومت کی بات سننے کو تیار ہوجائیں گے لیکن یہ بھی تو بتائیں کہ موجودہ حالات کا حل کیا ہے کیونکہ ان کی وجہ سے اب تک 22 لاکھ لوگ بیروزگار ہوگئے ہیں جبکہ انڈسٹریز بند ہورہی ہیں۔

انہوں نے کہا کہ پاکستان ڈوب چکاہے اور یہ تجربہ کار ٹیم پاکستان کو 8 مہینوں میں بہت پیچھے لےگئی ہے جبکہ 2 کروڑ لوگوں کو غربت کی لکیر سےنیچے لے گئےہیں۔

انہوں نے مزید کہا کہ یہ لوگ پہلے کہتے تھے اسمبلیاں توڑیں  اور اب جب عمران خان نے اسمبلیاں توڑنے کا کہا تو یہ ماننے کو تیار نہیں لیکن ان شااللہ ہم وفاقی حکومت کو انتخابی میدان میں آنے پر مجبور کر دیں گے۔