وفاقی وزیر آئی ٹی سید امین الحق نے کہا ہے کہ ہماری پہلی ترجیح فور جی ٹیکنالوجی کا دائرہ کار وسیع کرنا ہے۔

تفصیلات کے مطابق وفاقی وزیر آئی ٹی سید امین الحق سے اتصالات انٹرنیشنل کے چیف ایگزیکٹیو میخائل گرچک کی قیادت میں وفد کی ملاقات ہوئی جس میں کینکٹوٹی، فائیو جی اور ٹیلی کام سیکٹر کے متعلق معاملات پر گفتگو ہوئی۔

اس موقع پر اتصالات انٹرنیشنل کے چیف ایگزیکٹیو میخائل گرچک نے کہا کہ پاکستان میں آئی ٹی و ٹیلی کام سیکٹر میں سرمایہ کاری کے خواہشمند مند ہیں اور پاکستان میں آئی ٹی و ٹیلی کام سیکٹر کے مختلف شعبوں میں سرمایہ کاری کے بھی خواہشمند ہیں۔

ملاقات میں گفتگو کرتے ہوئے وفاقی وزیر آئی ٹی سید امین الحق نے کہا کہ پہلی ترجیح ملک میں فور جی کا دائرہ کار وسیع کرنا ہے جبکہ ابتدائی طور پر بڑے شہروں میں فائیو جی کی آزمائشی کوریج شروع کی جائے گی اور ہماری پہلی ترجیح ملک بھر میں فور جی ٹیکنالوجی کا دائرہ کار وسیع کرنا ہے۔

یہ بھی پڑھیں؛ وزارت آئی ٹی بہتر ڈیجیٹل مستقبل کے لئے ہر ممکن اقدامات کررہی ہے، امین الحق

سید امین الحق نے کہا کہ پاکستان میں ٹیکنالوجی کا مستقبل فائیو جی ٹیکنالوجی متعارف کرانے سے مشروط ہے کیونکہ ہم نہیں چاہیں گے کہ پاکستان ٹیکنالوجی کی عالمی دوڑسے باہر ہو۔

انہوں نے کہا کہ کمپنیاں اپنی تیاریاں کریں، وزارت آئی ٹی و ٹیلی کام تمام موبائل کمپنیوں کو ہر ممکن تعاون فراہم کررہی ہے اور ٹیلی کام کمپنیاں جدید دنیا کی ٹیکنالوجی کو پاکستان میں لانے کیلئے اپنا کردار ادا کریں۔

یہ بھی پڑھیں: ٹیلی کام سکیٹر کو دی گئی مراعات کے نفاذ کیلئے بھرپور کوششیں جاری ہیں، امین الحق

وزیر آئی ٹی سید امین الحق نے مزید کہا کہ فائیو جی کو بزنس فرینڈلی بنانے کیلئے حکومتی سطح پر ہر ممکن اقدامات کیے جارہے ہیں جبکہ ابتدائی طور پر بڑے شہروں کے مخصوص پوائنٹس پر فائیو جی کی آزمائشی کوریج شروع کی جائے گی۔

اس موقع پر اتصالات وفد نے پاکستان میں ٹیلی کمیونیکیشن کے حوالے سے وفاقی وزیر آئی ٹی کے اقدامات کی تعریف بھی کی۔