ایم 6 موٹروے کرپشن کیس کا ایک اور ملزم گرفتار

عروبہ خان

14th Dec, 2022. 04:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایم 6 موٹروے کرپشن کیس کا ایک اور ملزم گرفتار

نیب کی جانب سے ایم 6 موٹر وے کرپشن کیس میں ایک اور ملزم کو گرفتار کرلیا گیا ہے۔

تفصیلات کے مطابق ایم سکس موٹر وے کرپشن اسکینڈل میں اہم پیش رفت کے تحت نیب کی جانب سے سکھر میں چھاپہ مارا گیا جس دوران زوار شاہ نامی شخص کو گرفتار کرلیا ۔

اس حوالے سے ذرائع کا کہنا ہے کہ زوار شاہ ٹھیکیدار رحمت اللہ سولنگی کا خاص آدمی ہے اور ملزم کو راہداری ریمانڈ پر کراچی منتقل کیا جائے گا۔

خیال رہے کہ اس کیس کی تحقیقات میں یہ نیب کی پہلی گرفتاری ہے تاہم مزید گرفتاری کے لئے چھاپے مارے جارہے ہیں۔

دوسری جانب حیدرآباد-سکھر موٹروے 6 میں سو 2 ارب کا میگا کرپشن اسکینڈل کیس میں حیدرآباد کی انسداد بدعنوانی کی مقامی عدالت نے بدھ کے روز مٹیاری کے سابق ڈپٹی کمشنر عدنان رشید کے جوڈیشل ریمانڈ میں توسیع کردی۔

حیدرآباد سکھر موٹروے ایم 6 کرپشن کیس میں گرفتار سابق ڈی سی مٹیاری کو ریمانڈ مکمل ہونے پر عدالت میں پیش کیا گیا۔

سماعت کے دوران عدالت نے شاہد کے جوڈیشل ریمانڈ میں مزید 14 روز کی توسیع کرتے ہوئے انہیں 27 دسمبر کو عدالت میں پیش ہونے کا کہا۔