وفاقی حکومت بلوچستان کے عوام کے لیے بھرپور اقدامات اٹھا رہی ہے، احسن اقبال

ویب ڈیسک

22nd Dec, 2022. 11:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

وفاقی حکومت بلوچستان کے عوام کے لیے بھرپور اقدامات اٹھا رہی ہے، احسن اقبال
پاکستان غزہ جنگ بندی معاہدے پر عمل درآمد کیلئے واضح موقف پیش کرے گا، دفترخارجہ
مشرف علی زیدی عالمی میڈیا کےلئے ترجمان وزیراعظم مقرر، عطا اللہ تارڑ کی تصدیق ، نو ٹیفکیشن جاری
پنجاب اسمبلی کا 34 واں اجلاس کل شروع ہوگا، اہم بلز اور حکومتی امور پر بحث متوقع

Now Reading:

وفاقی حکومت بلوچستان کے عوام کے لیے بھرپور اقدامات اٹھا رہی ہے، احسن اقبال

وزیر منصوبہ بندی احسن اقبال نے کہا ہے کہ وفاقی حکومت بلوچستان کے عوام کے لیے بھرپور اقدامات اٹھا رہی ہے۔

تفصیلات کے مطابق وزیر منصوبہ بندی احسن اقبال کی زیر صدارت سینٹرل ڈویلپمنٹ ورکنگ پارٹی کا اجلاس ہوا ہے جس میں چیف اکانومسٹ، ممبران پلاننگ کمیشن اور مختلف وزارتوں کے نمائندوں نے شرکت کی۔

اجلاس میں سی ڈی ڈبلیو پی نے 115 ارب روپے کے سات ترقیاتی منصوبوں کی منظوری دے دی۔

اجلاس میں وزارت مواصلات، ہاؤسنگ، منصوبہ بندی اور ہائر ایجوکیشن کمیشن سے متعلق سات منصوبوں پر غور کیا گیا جبکہ 88 ارب کی لاگت سے نیشنل پروگرامر پوسٹ فلڈ ری کنسٹرکشن پراجیکٹ کی منظوری دی گئی، منصوبے میں انفراسٹرکچر کی بحالی اور تعمیر نو شامل ہے، منصوبے کیلئے ورلڈ بینک سے قرض اور گرانٹ لی جائے گی۔

یہ بھی پڑھیں؛ پاکستان معاشی سرگرمیوں کا مرکز بن سکتا ہے، احسن اقبال

سی ڈی ڈبلیو پی نے 5 ارب 76 کروڑ کی لاگت سے نارووال میں نیشنل اسپورٹ سٹی کی تعمیر کی منظوری دے دی ہے۔

یو ای ٹی ٹیکسلا، پشاور، لاہور، خضدار اور این ای ڈی کراچی میں لیبز کو مضبوط بنانے کی منظوری دی گئی ہے۔

اجلاس میں یارک ٹانک روڈ، کنوزئی کراس سے لورالائی کل سیف اللہ روڈ اور مسابقتی گرانٹس پروگرام کی بھی منظوری دی گئی ہے۔

یہ بھی پڑھیں؛ حکومت نے سخت فیصلے کر کے ملک کو دیوالیہ ہونے سے بچایا، احسن اقبال

اس موقع پر وزیر منصوبہ بندی احسن اقبال نے کہا کہ وفاقی حکومت بلوچستان کے عوام کے لیے بھرپور اقدامات اٹھا رہی ہے۔