وزیر اعلیٰ خیبر پختونخوا محدود خان نے کہا ہے کہ عمران خان نے جب بھی ہمیں حکم دیا، ہم اسمبلی تحلیل کر دیں گے۔

تفصیلات کے مطابق وزیراعلیٰ خیبر پختونخواہ محمود خان اپنے مختصر دورے پر کوہاٹ پہچنے جہاں اربوں روپوں کے مختلف ترقیاتی منصوبوں کا افتتاح  کیا گیا۔

اس موقع پر وزیر اعلیٰ خیبر پختونخوا محدود خان نے افتتاحی تقریب سے خطاب کرتے ہوئے کہا کہ آج صوبے کے مختلف شہریوں میں 130 ارب روپوں کے ترقیاتی منصوبوں کا آج افتتاح کر دیا ہے۔

انہوں نے کہا کہ آج کوہاٹ اور ہنگو میں ترقی کے نئے دور کا آغاز ہو رہا ہے جس کے بعد شہر میں اب لوگوں کو صاف پینے کے پانی کا کوئی مسلہ نہیں رہے گا۔

انہوں نے بتایا کہ صوبہ بھر صحت کے شعبوں میں بھی کام کر رہے ہیں تاہم دس دن کے اندر لیاقت میموریل اسپتال کے ہر قسم کے مسائل حل کرنے کے احکامات جاری کر دیئے گئے ہیں۔

ان کے مطابق سرکاری کالجز میں تمام طلباء کی فیس معاف کی جائے گی اور ایجوکیشن کارڈ بھی جاری کیا جائے گا۔

وزیراعلیٰ کے پی نے کہا کہ امپورٹڈ حکومت کی وجہ ملک معاشی تنزلی کی جانب جا رہا ہے اور وفاق نے خیبر پختونخوا کو کے تمام فنڈز روک دئیے ہیں جس کے لئے میں اپنی کیبنٹ کے ساتھ قومی اسمبلی کے سامنے دھرنا دوں گا کیونکہ وفاق کی وجہ سے خیبر پختونخوا کی ترقیاتی منصوبوں رکے ہوئے ہیں۔

ان کا کہنا تھا کہ عوام کے لئے ہماری نیت صاف ہے، اللہ ہمیں کامیابی دے گا اور آئندہ کی حکومت بھی خیبرپختونخوا میں ہی ٹی آئی کی آئے گی کیونکہ عوام ہمارے ساتھ ہے۔