چند روز میں قومی اسمبلی میں تحریک عدم اعتماد لائیں گے، حماد اظہر

ویب ڈیسک

17th Jan, 2023. 03:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چند روز میں قومی اسمبلی میں تحریک عدم اعتماد لائیں گے، حماد اظہر

پاکستان تحریک انصاف (پی ٹی آئی) کے سینئر رہنما حماد اظہر نے کہا ہے کہ چند روز میں قومی اسمبلی میں تحریک عدم اعتماد لائیں گے۔

سابق وفاقی وزیر حماد اظہر نے لاہور میں میڈیا سے گفتگو کرتے ہوئے کہا کہ پیپلز پارٹی نے کراچی بلدیاتی انتخابات میں مذاق کیا، ملک کے ساتھ جو کچھ کیا گیا انہیں فرار نہیں ہونے دینگے۔

انہوں نے کہا کہ بلاول، مریم، حمزہ جیسے نالائقوں کیلئے ملک نہیں بنا، نالائقوں سے جلد حکومت واپس لے لیں گے۔

لاہور میں پی ٹی آئی کلین سوئپ کرے گی

حماد اظہر نے کہا کہ کارکن انتخابات کی تیاری کریں، جنرل الیکشن ہورہے ہیں، ہم عام انتخابات کی طرف جارہے ہیں۔

یہ بھی پڑھیں: آئی ایم ایف کی سخت شرائط ماننے کےعلاوہ اب کوئی آپشن نہیں، حماد اظہر

سابق وفاقی وزیر نے کہا کہ قومی اسمبلی میں عدم اعتماد کی تحریک چند روز میں لائیں گے، لاہور میں پی ٹی آئی کلین سوئپ کرے گی۔

پی ٹی آئی معیشت کو اپنے پاؤں پر کھڑا کرے گی

پی ٹی آئی رہنما نے کہا کہ ملک میں آٹے بعد تیل کے بحران کا خدشہ پیدا ہو گیا، تیل کمپنیاں کہہ رہی ہیں تیل منگوانے کیلئے پیسے نہیں، ملک میں تیل کی قلت ہوسکتی ہے۔

مزید پڑھیں: اس ملک میں عوام کے مینڈیٹ کی توہین ہو رہی ہے، حماد اظہر

حماد اظہر نے مزید کہا کہ 9ماہ کےدوران صرف شریف خاندان نے ترقی کی، حکومت کو الیکشن سے نہیں بھاگنے دیں گے، پی ٹی آئی معیشت کو اپنے پاؤں پر کھڑا کرے گی۔