بلدیاتی انتخابی مہم میں ضابطہ اخلاق کیخلاف ورزی کی پیش نظر تمام سیاسی جماعتوں کو وارننگ جاری کردی گئی ہے۔

تفصیلات کے مطابق بلدیاتی انتخابی مہم کے چلتے الیکشن کمیشن کی جانب سے سندھ حکومت، وفاقی حکومت کے ترقیاتی فنڈز کے اعلانن اور وزراء  کے دوروں پر کارروائی کی گئی ہے۔

الیکشن کمیشن نے کارروائی کرتے ہوئے تمام سیاسی جماعتوں کو وارننگ جاری کردی  ہے اور بتایا ہے کہ بلدیاتی الیکشن کے دوران ترقیاتی منصوبوں کے اجراء اور  وزراء کے دورے پر پابندی ہے جبکہ کار ریلی سمیت جلسے کا انعقاد بھی ممنوع ہے ۔

اس حوالے سے پاکستان پیپلزپارٹی کے چیئرمین بلاول بھٹو زرداری کا کہنا ہے کہ بار بار الیکشن ملتوی ہونے کی وجہ سے کراچی کے لوگ تنگ آچکے مگر اب اُن کا انتظار ختم ہورہا ہے کیونکہ کراچی میں 15 جنوری کو بلدیاتی الیکشن ہوں گے۔

یہ بھی پڑھیں: 15 جنوری کو ہر حال میں بلدیاتی انتخابات ہونے چاہئیں، حافظ نعیم الرحمان

انہوں نے کہا کہ میں وزیراعلیٰ کو کہتا ہوں وہ ہر سازش کو ناکام بنا کر کراچی اور حیدرآباد میں بلدیاتی انتخابات کروائیں کیونکہ لوگ اپنے مسائل اور مقامی نمائندگی نہ ہونے کی وجہ سے پریشان ہیں ، کراچی والوں نے دیکھا جب اُن کا ایڈمنسٹریٹر تھا تو شہر میں تیزی سے کام ہورہا تھا۔

بلاول بھٹو زرداری نے کہا کہ بلدیاتی انتخابات کیلیے ہر حلقے سے نمائندہ کھڑا کیا ہے جس میں تمام قومیتوں کی نمائندگی شامل ہے، پورا کراچی انتخابات کا منتظر ہے اور امیدوار الیکشن مہم چلا چلا کر تھک چکے ہیں، الیکشن لڑنے والوں کو معلوم ہے کہ انتخابات لڑنا کتنا مشکل ہے۔

انہوں نے کہا کہ ہمیں جیت ہار کا کوئی خوف نہیں، جو بھی شفاف طریقے سے کراچی اور حیدرآباد کا انتخاب جیتیں گے ہم اُس کو قبول کریں گے، اگر شکست ہوئی تو بھی منتخب امیدواروں کے ساتھ پیپلزپارٹی کام کرے گی۔

یہ بھی پڑھیں: کراچی میں 15 جنوری کو بلدیاتی انتخابات ہوں گے، بلاول بھٹو زرداری