پنجاب اسمبلی کے کل 9 جنوری کو ہونے والے اجلاس کا ایجنڈا جاری کردیا گیا ہے۔

تفصیلات کے مطابق اسپیکر پنجاب اسمبلی سبطین خان کی زیر صدارت کل ہونے والے اجلاس میں محکمہ اسکول ایجوکیشن سے متعلق سوالات دریافت کیے جائیں گے۔

اس کے علاوہ اجلاس میں میں ارکان اسمبلی کے توجہ دلاؤ نوٹسز اور تحریک پیش ہونگی۔

پنجاب اسمبلی کے اجلاس میں 2 بلز ایوان میں متعارف کرائے جائیں گے جبکہ ایک بل کی منظور کیا جائے گا۔

پنجاب اسمبلی کا کل کا اجلاس ہنگامہ خیز ہونے کا خدشہ

دوسری جانب پنجاب اسمبلی کا کل کا اجلاس ہنگامہ خیز ہونے کا خدشہ ہے۔

مسلم لیگ ن نے کل پارلیمانی پارٹی کا اجلاس پنجاب اسمبلی میں طلب کر لیا اور اراکین کو تیار رہنے کی ہدایت کر دی۔

یہ بھی پڑھیں: عدالت نے کہا تو اعتماد کا ووٹ لیں گے اور پھر اسمبلی تحلیل کردیں گے، عمران خان

وزیر اعظم نے ہدایت دی کہ لیگی اراکین اپنی تیاری کے ساتھ کل کے اجلاس میں شرکت کریں۔

وزیر اعظم نے مزید کہا کہ وزیر اعلیٰ پنجاب چوہدری پرویز الہیٰ کو اعتماد کا ووٹ ہر صورت میں لینا ہوگا۔

پنجاب اسمبلی کا اجلاس طلب، 09 جنوری کو اعتماد کا ووٹ لئے جانے کا امکان

خیال رہے کہ پنجاب اسمبلی کا اجلاس نو جنوری کو طلب کر رکھا ہے جس میں وزیراعلیٰ کی جانب سے اعتماد کا ووٹ لئے جانے کا امکان ہے۔

 اسپیکر پنجاب اسمبلی کی منظوری کے بعد پنجاب اسمبلی کے 11 جنوری کو ہونے والے اجلاس کی تاریخ کو تبدیل کرتے ہوئے نیا نوٹیفکیشن جاری کردیا گیا۔

نئے جاری کردہ نوٹیفکیشن کے مطابق پنجاب اسمبلی کا آئندہ آجلاس 09 جنوری 2023 کو دوپہر 2 بجے منعقد ہوگا۔

ذرائع کے مطابق 09 جنوری کو ہونے والے اجلاس میں وزیراعلیٰ کی  جانب سے اعتماد کا ووٹ لئے جانے کا بھی امکان ظاہر کیا جارہا ہے۔