پی ٹی آئی رہنما حماد اظہر نے کہا ہے کہ وزیر خزانہ قوم کی آنکھوں میں دھول جھونک رہے ہیں۔

تفصیلات کے مطابق پاکستان تحریک انصاف کے رہنما حماد اظہر  نے سماجی رابطے کی ویب سائٹ ٹویٹر پر اپنے ایک پیغام میں کہا کہ اسحاق ڈار ابھی تک نمبروں کی ہیر پھیر سے باہر نہیں آسکے۔

اسحاق ڈار ابھی تک نمبروں کی ہیر پھیر سے باہر نہیں آ سکے۔ ساری دنیا کو معلوم ہے کے پاکستان کی معیشت کو پی ڈی ایم نے دیوالیہ کر دیا ہے۔ اسحاق ڈار بتائیں کہ صنعتیں کیوں بند ہو رہی ہیں، مہنگائی کئی گنا کیوں بڑھ گئی، عالمی ادارے کیوں ہماری معیشت کو ڈاؤن گریڈ کر رہے ہیں؟ ۱/۲

— Hammad Azhar (@Hammad_Azhar) January 4, 2023

انہوں نے کہا کہ ساری دنیا کو معلوم ہے کے پاکستان کی معیشت کو پی ڈی ایم نے دیوالیہ کر دیا ہے، اسحاق ڈار بتائیں کہ صنعتیں کیوں بند ہو رہی ہیں۔

یہ بھی پڑھیں؛ موجودہ حکومت کی غلط پالیسیوں کے باعث معیشت سکڑ رہی ہے، حماد اظہر

حماد اظہر  نے یہ بھی کہا کہ مہنگائی کئی گنا کیوں بڑھ گئی، عالمی ادارے کیوں ہماری معیشت کو ڈاؤن گریڈ کر رہے ہیں؟ زرمبادلہ کے ذخائر 6 ارب ڈالر سے بھی کم رہ گئے ہیں اور وزیر خزانہ جھوٹے نمبر لے کر قوم کی آنکھوں میں دھول جھونک رہے ہیں۔

زرمبادلہ کے ذخائر 6 ارب ڈالر سے بھی کم رہ گئے ہیں اور وزیر خزانہ جھوٹے نمبر لے کر قوم کی آنکھوں میں دھول جھونک رہے ہیں۔ ملک کو سنجیدہ معاشی فیصلہ سازی کی ضرورت ہے کسی فنکاری کی نہیں۔

Advertisement

— Hammad Azhar (@Hammad_Azhar) January 4, 2023

پی ٹی آئی رہنما حماد اظہر  نے مزید کہا کہ ملک کو سنجیدہ معاشی فیصلہ سازی کی ضرورت ہے کسی فنکاری کی نہیں۔