وفاقی وزیر جاوید لطیف نے کہا ہے کہ پی ٹی آئی اداروں کو دباؤ میں لاکر مرضی کے فیصلے کرنا چاہتی ہے ۔

تفصیلات کے مطابق وفاقی وزیر جاوید لطیف نے ماڈل ٹاؤن میں پریس کانفرنس کرتے ہوئے کہا کہ دوہزار گیارہ سے لانچ عمران خان دو ہزار چودہ میں فسادی بن گیا  جس کے بعد روش گرفتاریاں ہوئیں پہلے نہ عدالتیں لگتیں نہ اس کا میڈیا پر تذکرہ ہوتا تھا ۔

انہوں نے کہا کہ غیر قانونی گرفتاری کا حامی نہیں ہوں لیکن بار بار وہی جرم کرنے کو غلطی نہیں پالیسی یا بیانیہ کہا جاتا ہے اور اگر دباؤ میں لاکر اداروں کو مرضی کے فیصلے لینے ہیں اگر مسلح کوشش گھیراؤ سے فیصلے لینے ہیں تو اسی طرح چلتے ہیں اور اگر گالی دے کر ملک کے نظام نے چلنا ہے تو ہر جماعت کو آزادی دیدیں۔

یہ بھی پڑھیں: فوری الیکشن مسائل کا حل نہیں، جاوید لطیف

انہوں نے مزید کہا کہ عمران خان پاکستان کی تقدیر اور معیشت کے ساتھ کھیل رہے ہیں، پی ٹی آئی والے کہتے ادارے یا ریاست ریڈ لائن نہیں عمران خان ریڈ لائن ہے اگر انکو گرفتار کیا تو پاکستان کے ٹکڑے ہوجائیں گے، کیا یہ پیغام نوجوانوں کو دے رہے ہیں؟

وفاقی وزیر کا کہنا تھا کہ اگر عمران خان کو چھ ماہ دے دئیے گئے تو اس کا ٹکٹ لینے والا کوئی نہیں ہوگا لیکن ہم نے اپنی گردن ملک و ریاست کےلئے پیش کر دی اور اگر ہماری ملک و ریاست کےلئےقربانی کو کوئی شک کی نگاہ سے دیکھے گا تو پھر زبانیں کھولیں گے۔

ان کا کہنا تھا کہ کسی جماعت سے کوئی بھی شخص ہو اگر کوئی بغاوت یا انتشار پر اکساتا ہے تو انجام تک پہنچانا ریاست کی ذمہ داری ہے کیونکہ اگر فسادی کو انجام نہ پہنچایا تو ریاست خطرے میں پڑ جائے گی اور یہکسی بھی حکومت کا نہیں اداروں کا کام ہے جو بھی غلط کام کرے وہ نوٹس لے۔

یہ بھی پڑھیں: قوم کو اپنا فیصلہ خود کرنا پڑے گا، جاوید لطیف