سابق وزیر اعلیٰ پنجاب چوہدری پرویز الہیٰ نے کہا ہے کہ مریم نواز کی واپسی پر قوم کو 35روپے فی لیٹر پیٹرول کی قیمتوں میں اضافے کی اسحق ڈار نے سلامی دی ہے۔

تفصیلات کے مطابق سابق وزیر اعلیٰ پنجاب چوہدری پرویز الہیٰ سے سابق وفاقی وزیر داخلہ بریگیڈئیر (ر) اعجاز شاہ کی ملاقات ہوئی جس میں سیاسی صورت حال، ملکی معاملات اور معاشی صورت حال پر بات چیت کی گئی۔

ملاقات میں چوہدری پرویز الہیٰ نے گفتگو کرتے ہوئے کہا کہ پیٹرولیم مصنوعات کی قیمتوں میں اضافے کا کریڈٹ نواز شریف اور مریم نواز کو جاتا ہے۔

مہنگائی کا جن بے قابو ہوچکا ہے

انہوں نے کہا کہ مہنگائی کا جن بے قابو ہوچکا ہے اور حکومت کو صرف انتقامی کارروائیوں سے فرصت نہیں۔

یہ بھی پڑھیں: تحریک انصاف نے پیٹرول کی قیمتوں میں اضافے کو عوام کیخلاف سازش قرار دیدیا

سابق وزیر اعلیٰ پنجاب نے کہا کہ امن و امان کی صورتحال تباہ ہو چکی ہے، جرائم میں تیزی سے اضافہ ہوچکا ہے اور انتظامی گورننس بھی نہ ہونے کے برابر ہے۔

مہنگائی حکومت کے بس سے باہر ہو گئی

انکا کہنا ہے کہ ڈویلپمنٹ منصوبوں سے جو روزگار کے مواقع پیدا ہورہے تھے وہ بھی بند ہوگئے ہیں، بچے سقے محسن نقوی کی حکومت میں بے روزگاری میں مزید اضافہ ہورہا ہے۔

یہ بھی پڑھیں: حکومت کا پیٹرولیم مصنوعات کی قیمتوں میں اضافے کا اعلان

چوہدری پرویز الہیٰ نے کہا کہ مہنگائی حکومت کے بس سے باہر ہو گئی اب یہ ملک کو ڈیفالٹ کی طرف لیکر جارہے ہیں۔

انہوں نے مزید کہا کہ ہر روز اس حکومت میں عوام کو مہنگائی کے نئے طوفان کا سامنا کرنا پڑ رہا ہے، قوم کو مہنگائی کے عذاب میں پھنسا کر آنے والوں کو عوام مسترد کر چکے ہیں۔

یہ بھی پڑھیں: ملک بھر میں پیٹرولیم مصنوعات کی شدید قلت، متعدد پیٹرول پمپس بند