پاکستان تحریک انصاف سندھ کے صدر علی زیدی نے ایم کیو ایم کے بائیکاٹ کے اعلان کے بعد آڑھے ہاتھوں لیتے ہوئے کہا کہ ایم کیو ایم والے حلقہ بندیوں کا بہانہ بنا کر الیکشن سے بھاگ گئے۔

ایم کیو ایم پاکستان کے بائیکاٹ کے اعلان کے بعد علی زیدی نے انصاف ہاؤس میں رات گئے اہم پریس کانفرنس کرتے ہوئے کہا کہ شام تک چلا رہا تھا الیکشن لڑرہے ہیں رات ہوتے ہی انہوں نے راہ فرار اختیار کردی، معید انور لیاقت آباد میں لوگوں کو ڈھونڈ رہے تھے ان کے پاس کنڈیڈیٹ ہی نہیں تھے، یہ لوگ جہاں کھڑے ہوئے وہاں انہیں کانسلر ہی نہیں ملا، ایم کیو ایم نے پوری کوشش کی کہ الیکشن نہ ہوں۔

علی زیدی کا کہنا تھا کہ انہوں نے میدان اس وجہ سے چھوڑا کہ ان کے پاس کنڈیڈیٹ ہی نہیں تھے اور نہ ہی پولنگ اسٹیشن ہے نہ ان کے پاس ورکر ہیں، ایم کیوایم کے لوگ پی ٹی آئی میں آرہے ہیں، پہلے ان کو بارش اور پھر سیلاب نے بچایا تھا اب ان کے پاس بچنے کا کوئی راستہ نہ بچا تو میدان چھوڑ کر فرار ہو گئے۔

یہ اچھے بچے ہیں انہوں نے ابو کی بات مانی

ایم کیو ایم پاکستان کو شدید تنقید کا نشانہ بناتے ہوئے علی زیدی نے کہا کہ تین جمع ایک چار ہوتے ہیں مگر تین اکھٹے ہوگئے اور پھر ان کے ابو کا فون آیا پیارے بچو بائیکاٹ کردو انہوں نے اچھے بچوں کی طرح بلدیاتی انتخابات کا بائیکاٹ کردیا۔

سابق وفاقی وزیر نے کہا کہ کل شام تک آپ کو پتا لگ جائے گا حیدرآباد اور کراچی میں تحریک انصاف نے کامیابی حاصل کی ہے اور میئر بھی ہمارا ہی آئے گا۔

فطرہ کھانے والے میئر شپ خیرات میں دینے کی بات کررہے ہیں

انہوں نے مزید کہا کہ پیپلز پارٹی نے غلط حلقہ بندیاں کیں اسکے خلاف ہم بھی جائیں گے، خالد مقبول کہتے ہیں کہ خیرات میں دے رہے ہیں، یہ خود صدقات کھاتے ہیں فطرہ چوری کرتے ہیں، کے کے ایف کی گاڑیوں میں اسلحہ لے جانے والے، اس کا پیسہ کھانے والے بندوق کی نوک پر کھالے چھیننے والے تم خیرات دو گے؟ تمہارا وجود ہی نہیں تھا جب جماعت کا میئر تھا، جماعت کا میئر بھی تب ہی آیا جب ڈکٹیٹر شپ تھی۔

یہ بھی پڑھیں؛ ایم کیو ایم کی حکومت سے علیحدگی کی دھمکی

علی زیدی نے امیر جماعت اسلامی کراچی حافظ نعیم الرحمان کو مخاطب کرتے ہوئے کہا کہ حافظ صاحب جماعت کا ایک بھی کنڈیڈیٹ نہیں تھا جب ضمنی الیکشن ہوئے، جماعت کے پاس کنڈیڈیٹ ہی نہیں اسمبلی میں کیسے قانون سازی کرینگے، سوشل میڈیا پر حافظ صاحب میئر بنے ہیں مگر کل ہمارا شہر میں میئر آئے گا۔